Griot

Vun Wikipedia

De Griot sünd Lüüd, de vör allen in Westafrika bi de Mande un bi annere Völker, in de Ümgegend vun Mali, Senegal un Gambia, as Singers un Dansers leven doot. Se bewohrt de Kultur un geevt dat bi Festen un Zeremonien wedder. Se sünd also so’n beten mit de keltschen Barden to verglieken.

Mit dat Singen warrt faken lange Texte ut de lokalen westafrikaanschen Kulturn weddergeven. De Griot billt so’n beten ene Kaste, se heiraadt mehrsttiets ünnerenanner un billt egene Sippen. Ok in de Medien bi de Ünnerhaltung sünd ganz vele Lüüd Griot.