Gregor III. (Paapst)

Vun Wikipedia
Gregor III - Paapst Medaille ut dat 8. Johrhunnert - Avers
o.G Medaille - Revers

Gregor III. (* Syrien; † 28. November 741 in Rom) weer Paapst van 731 bit 741.

Gregor III. wurr an’ 18. März 731 to’n Paapst wählt. As ok all ünner sien Vörganger Gregor II. keem dat ok ünner hüm to swoor Utnannersetten mit Byzanz. Nahdem he Kaiser Leo III. in’n Verloop vun den Byzantienschen Billerstriet exkommunizeert harr, wurrn de Bisdömer vun Sizilien, Ünneritalien un Illyrien vun den Kaiser in’t ökumeenschen Patriarchat vun Konstantinopel ingleedert. Gregor hett doruphen den Kuntakt mit Byzanz afbraken.

To glieker Tiet drungen de Langobarden in Italien wieder vör. Gregor III. Hett doruphen as eerst Paapst dat Frankenriek um Hülp beden, aver ahn Spood. Liekers wurr to Gregor sien Tiet de Bindung vun de Germanen an de Kathoolsche Kark starker – Bonifatius wurr 732 Arzbischop un 738 pääpstlich Legat för Germanien. 732 hett dat Gregor III. ünnerseggt, Peerfleesch to eten. Gregor III. is an’ 28. November 741 storven. Sien kathoolsch Gedenkdag is de 28. November.

Ünner Gregor III. wurr dat Fest vun all Hilligen för Rom up den 1. November leggt.

Literatur[ännern | Bornkood ännern]

Weblenken[ännern | Bornkood ännern]

Gregor III.. Mehr Biller, Videos oder Audiodateien to’t Thema gifft dat bi Wikimedia Commons.
Vörgänger Amt Nafolger
Gregor II. Paapst
731 - 741
Zacharias