Gollen Rosenkäver

Vun Wikipedia
Zur Navigation springen Zur Suche springen
Gollen Rosenkäver; Goldkäver
Gollen Rosenkäver (Cetonia aurata)
Systematik
Stamm: Liddfööt (Arthopoda)
Ünnerstamm: Tracheendeerter (Tracheata)
Böverklass: Sessfööt (Hexapoda)
Klass: Insekten (Insecta)
Ünnerklass: Fleeginsekten (Pterygota)
Böverornen: Neeflunken (Neoptera)
Ornen: Kävers (Coleoptera)
Ünnerornen: Polyphaga
Böverfamilie: Scarabaeoidea
Familie: Scarabäuskävers (Scarabaeidae)
Ünnerfamilie: Rosenkävers (Cetoniinae)
Oort: Gollen Rosenkäver (Cetonia aurata)
Wetenschoplich Naam
Cetonia aurata
Leach, 1815
Tweefarvten Käver

De Gollene Rosenkäver, ok slicht Goldkäver (Cetonia aurata) is en Käver ut de Familie vun de Rosenkävers (Cetoniinae). In Düütschland steiht he unner Schuul. In dat Johr 2000 weer he to't Insekt vun dat Johr wählt wurrn.

Kennteken[ännern | Bornkood ännern]

De Goldkävers könnt 14-20 Millimeters lang weern. Ehr Lief lücht up de Böversiete in allerhand Farven vun Metall, vun gröön bit hen na bronze, man ok gollen, blaugröön oder blau bit hen na blauvigelett. An de Unnersiet is dat Lief roodgollen. Up de Deekflunken sünd en poor witte Placken oder Dwarsgölen to sehn. Sunnerlich twuschen de beiden achtersten Drüddels vun de Deekflunken fallt en witt Band up, wat dor dwars overweg lopen deit. Hen un wenn verscheelt sik de Klöör vun de Deekflunken gegen den Rest vun de Böversieten over. As annere Rosenkävers ok, kann de Goldkäver siene Flunken unner de Deekflunken utfolen un utbreden, ohn, datt he de Deekflunken op maakt. He flüggt ok mi Deekflunken, de to blievt, anners, as de meisten Aarden mank de Kävers.

Wo he vörkamen deit[ännern | Bornkood ännern]

De Deerter sünd u.a. in Europa tohuse, in'n Norden bit hooch na Norwegen sienen Süden, Middelsweden un -finnland. Na Osten to sünd se to finnen over Lüttasien, Vörasien un Sibirien, bit na China sien Noordwesten hen. In Grootbritannien sünd se man bloß hen un wenn to finnen. Flegen deit de Goldkäver vun Aprilmaand bit Oktober.

Wie he leven deit[ännern | Bornkood ännern]

De Imagines sünd faken up Blöten to finnen, unner annern bi Rosen, Aaftbööm, Ellhoornbüsch, Heegdoorn oder bi Scheermblöten. De Maibudden leevt in Holtrottels, Kumpost, un hen un wenn ok mol in'n Iemeckenbulten. Verpoppen doot se sik in en Kokon ut Eer un Holtfasern.

Wat he freten deit[ännern | Bornkood ännern]

De Budden vun den Goldkäver freet bloß man Holt- un Plantenrottels. De Kävers suugt an söten Plantenssapp un freet Pollen un annere zorte Plantendeele.

Taxonomie un Systematik[ännern | Bornkood ännern]

In den Catalogue of Life weert düsse Unneraarden upföhrt:[1]

  • Cetonia aurata aurata
  • Cetonia aurata jingkelii
  • Cetonia aurata pallida
  • Cetonia aurata pisana
  • Cetonia aurata pokornyi
  • Cetonia aurata sicula
  • Cetonia aurata viridiventris
    Gollen Rosenkäver up Gollen Dusendblatt in'n Noordpark in Bruunswiek.

Biller[ännern | Bornkood ännern]

Borns[ännern | Bornkood ännern]

Belege[ännern | Bornkood ännern]

  1. Catalogue of Life

Literatur[ännern | Bornkood ännern]

  • Karl Wilhelm Harde, Frantisek Severa und Edwin Möhn: Der Kosmos Käferführer: Die mitteleuropäischen Käfer. Franckh-Kosmos Verlags-GmbH & Co KG, Stuttgart 2000, ISBN 3-440-06959-1.
  • Jiri Zahradnik, Irmgard Jung, Dieter Jung et al.: Käfer Mittel- und Nordwesteuropas. Parey, Berlin 1985, ISBN 3-490-27118-1.

Weblenken[ännern | Bornkood ännern]

Commons-logo.svg Gollen Rosenkäver. Mehr Biller, Videos oder Audiodateien to’t Thema gifft dat bi Wikimedia Commons.