George Pearson Smith

Vun Wikipedia
Zur Navigation springen Zur Suche springen

George Pearson Smith (* 10. März 1941 in Norwalk, Connecticut) is en US-amerikaansch Bioloog un emeriteert Perfesser an de University of Missouri. He kreeg 2018 den Nobelpries för Chemie.

Leven[ännern | Bornkood ännern]

Smith kreeg 1963 an dat Haverford College en Bachelor in Biologie. Nah en kört Tätigkeit as Highschool-Mester un Labortechniker kreeg he 1970 bi Edgar Haber an de Harvard University sien Doktertitel Ph.D. in Bakteriologie un Immunologie. As Postdoktorand hett he bi Oliver Smithies an de University of Wisconsin–Madison arbeit. Siet 1975 hörr he to den Lehrkörper van de University of Missouri in Columbia, Missouri. He wurr 2000 Curator’s Professor van de University of Missouri. 2015 gung he endgültig in den Ruhestand.

Wark[ännern | Bornkood ännern]

Smith gellt as Utfinner van de Methood Phagen-Display.[1] In sien grundleggen Arbeit van 1985 wies he, dat dat mögelk is, beliebige DNA Sequenzen för Peptide in en Bakteriophage intobauen, de dat Peptid denn up sien Hüllprotein präsenteert. Bakteriophagen befallen E. coli Wirtszellen, um sück to vervölfältigen. Dorbi gung Smith van de Beobachtung ut, dat dat Gen III van de filamentöös Phage (filamentous phage) fd modular upbaut is, so dat de Mögelkeit vörhannen weer, dor frömd DNA-Sequenzen intobauen, ahn Verlust van de Vermehrenssfunktschoon van den Phagen. Smith hett ok vörherseggt, dat dat mögelk weer, en Bibliothek van Phagen-Displays mit tofälliger Aminosüeranordnung in den Peptiden to produzeeren un dormit Epitope van en Antikörper to identifizeeren un dat man Phagen-Display för de Impstoffertüügen bruuken kunn.

1984 hett he ok versöcht, de Idee as Patent antomelden, hett dat denn aber nich wieder verfolgt – dat in’n Gegensatz to Robert Ladner, de unafhängig up van hüm de Idee van dat Phagen-Display keem un 1988 en detailleert Patent van 350 Sieden Umfang inrecken dee för de Firma Dyax, in de he Chief Scientific Officer weer.[2] Smith weer doröver aber nich düll, in’n Gegendeel, he wurr sogor dorhengahnd ziteert, dat Ladner en innovativ Wetenschapler weer, de to wenig anerkannt würr.

Ehrungen[ännern | Bornkood ännern]

Schriften (Utwahl)[ännern | Bornkood ännern]

  • George P. Smith: Filamentous fusion phage: novel expression vectors that display cloned antigens on the virion surface, Science, Band 228, 1985, S. 1315–1317
  • S. F. Parmley, G. P. Smith: Antibody-selectable filamentous fd phage vectors: affinity purification of target genes, Gene, Band 73, 1988, S. 305–318.
  • J. K. Scott, G. P. Smith: Searching for peptide ligands with an epitope library, Science, Band 249, 1990, S. 386–390.
  • Smith u. a.: Libraries of Peptides and Proteins Displayed on Filamentous Phage, Methods in Enzymology, Band 217, 1993, S. 228–257.
  • Smith: Surface Presentation of Protein Epitopes using Bacteriophage Expression Systems, Current Opinion in Biotechnology, Band 2, 1993, S. 668–673.
  • George P. Smith, Valery A. Petrenko: Phage Display. In: Chemical Reviews. 97, 1997, S. 391, doi:10.1021/cr960065d.

Weblinks[ännern | Bornkood ännern]

Enkeld Nahwiesen[ännern | Bornkood ännern]

  1. G. P. Smith: Filamentous Fusion Phage: Novel Expression Vectors That Display Cloned Antigens on the Virion Surface; Science Band 228, Nr. 4705 van’n 14. Juni 1985, Sieden 1315–1317 |DOI=10.1126/science.4001944
  2. William Wells, Phage on display, Chemistry & Biology, Band 4, 1997, S. 977.
  3. [1] Promega Biotechnology Research Award Past Laureates, asm.org, afropen an’n 3. Oktober 2018 (engelsch)