Gregory Paul Winter

Vun Wikipedia
Zur Navigation springen Zur Suche springen
Greg Winter

Sir Gregory „Greg“ Paul Winter, CBE (* 14. April 1951 in Leicester), is en britisch Molekularbioloog, Nobelpriesdräger un Pionier vun de Monoklonale Antikörper un dat Phagen-Display.

Karriere[ännern | Bornkood ännern]

Winter hett Naturwetenschapen an de University of Cambridge studeert, 1973 an dat Trinity College gradueert un an dat 1977 MRC Laboratory of Molecular Biology (LMB) sien Doktertitel maakt. Ansluutend hett he an dat LMB und am MRC Centre for Protein Engineering (CPE) arbeit 1981 wurr he Programmleider un van 1994 bit 2006 Ko-Leider vun de Afdeelen Protein and Nucleic Acid Chemistry. Van 1990 bit to dat Enn‘ vun de CPE 1010 weer he dorvan stellvertredend Direkter. Van 2006 bit 2011 weer Winter stellvertredend un van 2007 bit 2008 geschäftsführend Direkter vun dat LMB.[1]

Winter hett um 1990 Techniken vun dat Phagen-Display vun George Pearson Smith wieder entwickelt, so dat de Phagen Deelen vun Antikörpern (scFv-Fragment) up hör Böverflach präsenteeren deen. Dt hett en Revolutschoon in de Produktschoon vunmonoklonal Antikörper mögelk maakt, tomal Winter de Antikörper up de minschlich Basis tosnieden dee (un nich etwa up de Basis vun de Muus). För sien Leistungen kreeg he tosommen mit Frances Hamilton Arnold un George Pearson Smith den Nobelpries för Chemie 2018 tospraaken.

Winter weer Ko-Leider vun de Afdeelen för Protein- un Nukleinsüerenchemie un Biotechnologie an dat Laboratory of Molecular Biology in Cambridge un vörher stellvertreeden Direkter an dat Centre for Protein Engineering des Medical Research Council. 1989 weer he Grünner vun de Firma Cambridge Antibody Technology (af 2006 an Astrazeneca verköfft), de dat Blockbuster-Medikament Adalimumab (HUMIRA) entwickelt hett (later vun Abbott Laboratories verdreeven un wiederentwickelt. Dat weer dat eerste Antikörper-Medikament (en Inhibitor för den Tumor-Nekrose-Faktor) up rein minschlich Basis.

Winter hett noch anner Firmen grünnd, as Domantis, dat 2006 an GlaxoSmithKline verköfft wurr, un 2009 Bicycle Therapeutics.

Utteknungen un Liddmaatschapen[ännern | Bornkood ännern]

  • 1990 Fellow vun de Royal Society
  • 1991 Fellow un siet 2012 Master vun dat Trinity College in Cambridge.

Schriften (Utwahl)[ännern | Bornkood ännern]

  • E. S. Ward, D. Güssow, A. D. Griffiths, P. T. Jones, G. Winter: Binding activities of a repertoire of single immunoglobulin variable domains secreted from Escherichia coli, Nature, Band 341, 1989, S. 544–546.
  • J. McCafferty, A. D. Griffiths, G. Winter, D. J. Chiswell: Phage antibodies: filamentous phage displaying antibody variable domains’, Nature, Band 348, 1990, S. 552–554.
  • H. R. Hoogenboom, a. D. Griffiths, K. S. Johnson, D. J. Chiswell, P. Hudson, G. Winte: Multi-subunit proteins on the surface of filamentous phage: methodologies for diplaying antibody (Fab heavy and light chains), Nucl. Acid. Res., Band 19, 1991, S. 4133–4137.
  • J. D. Marks, H. R. Hoogenboom, T. P. Bonnert, J. McCafferty, A. D. Griffiths, G. Winter: By-passing immunization: Human antibodies from V-gene libraries displayed on phage, J Mol Biol. Band 222, 1991, S. 581–597.
  • T. Clackson, H. R. Hoogenboom, T. P. Bonnert, J. McCafferty, A. D. Griffiths, G. Winter: Making antibody fragments using phage display libraries, Nature, Band 352, 1991, S. 624–628.
  • J. D. Marks, A. D. Griffiths, M. Malmqvist, T. P. Clackson, J. M. Bye, G. Winter: By-passing immunization: Building high affinity human antibodies by chain shuffling, Nat. Biotech., Band 10, 1992, S. 779–783.
  • H. R. Hoogenboom, G. Winter: By-passing immunisation. Human antibodies from synthetic repertoires of germline VH gene segments rearranged in vitro, J Mol Biol., Band 227, 1992, S. 381–388.

Literatur[ännern | Bornkood ännern]

Weblinks[ännern | Bornkood ännern]

Enkeld Nahwiesen[ännern | Bornkood ännern]

  1. MRC Laboratory of Molecular Biology: Greg Winter