Gösp

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Gösp
Laag vun Gösp in Düütschland
Basisdaten
Bundsland: Neddersassen
Landkreis: Oosterholt
Gemeen: Swonewebel
Inwahners:
Postleettall: 28790
Vörwahl: 04209
Geograafsche Laag:
Koordinaten:53° 14′ N, 8° 33′ O
53° 14′ N, 8° 33′ O

Gösp (hoochdüütsch Göspe) is en Hoff in de Gemeen Swonewebel in’n Landkreis Oosterholt, Neddersassen. De Oort höört polietsch von öllers to Ne’enkarken mit to.

Geografie[ännern | Bornkood ännern]

De Möhl Gösp liggt an de Swonewebler Beek/Möhlenfleet. In’n Süden liggt dat Gelänn von de Lützow-Kasern.

De Naveröörd sünd Hinnebeck in’n Noordoosten, Kroonsmoor in’n Oosten, Swonewebel in’n Süüdoosten, Ne’enkarken in’n Süüdwesten un Rade in’n Noordwesten.

Historie[ännern | Bornkood ännern]

De Watermöhl von Gösp is 1430 von de Ridders von Stell boot worrn. De Ridders harrn de Möhl bet 1516. Denn hett de Besitter en poor Maal wesselt. 1823 hett Johann Laue de Möhl köfft. De hüdige Möhl is 1868 boot worrn. To de Tied is de ole Möhl kumplett afdragen worrn. Hermann Laue hett 1901 op de Watermöhl ok noch en Windmöhl opsett. Düsse Opsatz is 1913 in en Störm aver al wedder tweigahn. Ünner Hinrich Laue is de Bedriev 1954 instellt worrn.[1] Ok vondaag höört de Möhl noch de Familie Laue to.

In de Franzosentied von 1810 bet 1814 hett de Oort to de Mairie Swonewebel in’n Kanton Vesack höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to dat Amt Blomendal tohöört. Na 1885 weer dat in’n Kreis Blomendal. 1932 is dat Deel von’n Landkreis Oosterholt worrn.

Inwahnertall[ännern | Bornkood ännern]

Johr Inwahners
1793-00-001793[2] 1 Füürsteed
1812-00-001812[3] 20
1824-00-001824[4] 1 Füürsteed
1848-00-001848[5] 12 Lüüd, 1 Huus

Religion[ännern | Bornkood ännern]

Gösp is evangeelsch-reformeert präägt un höört to dat Kaspel von de Michael-Kark in Ne’enkarken.

För de Kathoolschen is de St.-Ansgar-Kark in Swonewebel tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Gösp liggt en Stück af von de Landsstraat 149, de in’n Westen na Rekum geiht un in’n Oosten na Swonewebel.

De nächste Autobahn is de Autobahn 27. De Opfohrt 14 Swonewebel liggt so acht Kilometer in’n Oosten von Gösp.

De nächste Bahnhoff is so bi söven Kilometer wied weg in’n Süüdwesten de Bahnhoff Farge an de Bahnlien Farge–Vesack. Dor föhrt de Lien RS 1 von de Regio-S-Bahn Bremen/Neddersassen, de von Farge bet na Veern geiht.

Footnoten[ännern | Bornkood ännern]

  1. http://www.niedersaechsische-muehlenstrasse.de/index.php?id=214
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 84: https://books.google.de/books?id=jN5QAAAAcAAJ&pg=RA1-PA84
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 106: http://books.google.de/books?id=Q 5OAAAAcAAJ&pg=PA106
  4. C. H. Jansen: Statistisches Handbuch des Königreichs Hannover. 1824, Sied 214: http://books.google.de/books?id=tG0AAAAAcAAJ&pg=PA214
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132