Friedrich Wilhelm von Bobers
Friedrich Wilhelm von Bobers (* 26. Mai 1819 in Stood; † 4. Oktober 1878 in Hannover) weer en düütschen Jurist.
Von Bobers is 1819 as Söhn von Karoline Ulrike, borene von Arentsschild (1784–1849), un Karl Ludwig von Bobers (15. April 1773–27. Februar 1856) in Stood boren.
He hett Juristeree studeert un is na dat Studium in’n hannöverschen Verwaltungsdeenst gahn. Von Bobers weer 1846 Auditer bi dat Amt Fürstenau un 1850 Amtsassesser bi dat Amt Nuurten.
Nadem 1852 dat Amtsgericht Solzhusen nee billt worrn is, is he in’n Justizdeenst wesselt un hett as Gerichtsassesser dat Leid von dat Gericht övernahmen. Nadem dat Amtsgericht Solzhusen 1859 wedder oplööst worrn is, keem he as Amtsrichter an dat Amtsgericht Winsen. In’n Januar 1867, kort nadem Prüßen dat Königriek Hannover annekteert harr, is von Bobers in Rohstand gahn.[1]
He hett in Nuurten Johanna Beckmann († 27. März 1857) freet. De beiden harrn de Dochter Laura Friederike Wilhelmine (* 17. März 1850).[2]
Footnoten
[ännern | Bornkood ännern]- ↑ Justiz-Ministerialblatt für die preußische Gesetzgebung und Rechtspflege. Band 29 Decker, 1867, Sied 18
- ↑ Gothaisches genealogisches Taschenbuch der adeligen Häuser. Deel 2, J. Perthes., 1941, Sied 49
