Friedrich Hoppenstedt

Vun Wikipedia
Zur Navigation springen Zur Suche springen

Friedrich Wilhelm Heinrich Hoppenstedt (* 14. Juli 1815 in Horborg; † 14. Oktober 1891 in Hannover[1]) weer en düütschen Verwaltungsbeamten.

Hoppenstedt is 1815 as Söhn von Johanna Maria, borene Sarnighausen (1785–1830; Dochter von Ludwig Heinrich Sarnighausen), un den Generalsupperndent August Ludwig Hoppenstedt (22. März 1763–25. April 1830) in Horborg boren. An’n 28. April 1834 hett he sik för en Studium von de Theologie an de Universität Göttingen inschreven, is later denn aver to de Juristeree wesselt.[1] Na dat Studium is he in’n hannöverschen Verwaltungsdeenst gahn.

He weer von 1838 bet 1841 Auditer bi de Amtsvaagdie Fambossel-Soltau-Wasra. Von dor is he na de Landdrostie Lümborg wesselt un weer dor eerst as Amtsassesser Hülpsarbeider un denn von 1850/1851 bet 1861 Regerungsraad. 1861 is he Amtmann von dat Amt Fambossel worrn. Nadem Prüßen dat Königriek Hannover annekteert hett, hett sik sien Titel op Amtshauptmann ännert. Dormit weer he von 1867 bet 1885 Amtshauptmann von dat Amt Fambossel un von 1868 bet 1885 tosätzlich Kreishauptmann von’n Kreis Fambossel.

He hett an’n 2. August 1844 in Fambossel Marie Henriette Elisabeth Guichard gen. von Quintus Icilius (8. Januar 1826–13. Juli 1892; Dochter von Heinrich Guichard gen. von Quintus-Icilius) freet.[1] De beiden harrn ünner annern de Söhns Georg Carl Heinrich Adolph (4. Juni 1845–13. Oktober 1910) un Georg Carl Gustav von Hoppenstedt (27. Juni 1847–6. August 1918), de 1907 in’n Adelsstand hoven worrn is.

Footnoten[ännern | Bornkood ännern]

  1. a b c Genealogisches Handbuch bürgerlicher Familien. Band 167, 1974, Sied 460