Friedrich Conrad Degener
Friedrich Conrad Degener (* 27. Oktober 1806 in Deimke; † 9. November 1887 in Bremervöör) weer en düütschen Ünnernehmer.
Degener is 1806 in Deimke boren.[1] He keem as jungen Mann dör sien Unkel, Amtsvaagd Friedrich Wittkugel, na Bremervöör un weer Registerschriever bi dat Amt Bremervöör.[2] Dör en Lotteriegewinn von 4000 Rieksdaler kunn Degener düsse Arbeid aver opgeven.[2] Tosätzlich kunn he in Bremervöör Land köpen un hett so de vullen Börgerrechten in Bremervöör kregen.[2] He weer denn as Koopmann för Galanterie- un Kortworen, Krüdereen un Manufakturworen aktiv. Von 1834 bet 1839 weer he Börgermeester von’n Flecken Bremervöör.[2] In düsse Tied hett he dor ok to bidragen, dat 1837 de Spoorkass Bremervöör grünnt worrn is.[2] To’n 1. Mai 1857 is he Direkter von de Marienhütt in Geestdörp worrn.
He weer ok Senater in’n Magistraat von de Stadt Bremervöör un Maat von’n Provinziallanddag von de prüüßsche Provinz Hannover. In’n Provinziallanddag weer he Vertreder von’n Tweten Stand (de Städer) un dor von de lüttjeren Städer in Bremen-Veern.
De Weertschopspries von de Stadt Bremervöör is na Degener nöömt.
He hett Anna Dorothea Friederike Kayser (28. Februar 1809–20. Dezember 1896) freet. De beiden harrn 14 Kinner.[2]
Footnoten
[ännern | Bornkood ännern]- ↑ Indrag to Degener bi geni.com
- ↑ a b c d e f Elfriede Bachmann: Die Sparkasse der Stadt Bremervörde. In: Bremisches Jahrbuch. Band 66, 1988, Sied 378
