Franz August Robert von Fumetti
Franz August Robert von Fumetti (* 27. November 1823 in Esens; † 14. Juni 1891 in Minnen[1]) weer en düütschen Verwaltungsbeamten.
Von Fumetti is 1823 as Söhn von Catharine, borene Diggles (18. Mai 1802–4. Juni 1876), un Johannes Justinus von Fumetti (17. Februar 1790–21. Oktober 1861) boren. Sien Broder weer Bernhard von Fumetti. He hett Juristeree studeert un is na dat Studium in’n hannöverschen Verwaltungsdeenst gahn.
1846 weer he Auditer bi dat Amt Northeim, 1849 Amtsassesser bi dat Amt Hardenberg, 1856 bi dat Amt Quokenbrügge, 1860 bi dat Amt Auerk un 1865 Amtmann in dat Amt Wenngessen. Kort later is he as Amtmann in dat Amt Calenberg wesselt. Nadem Prüßen 1867 Hannover annekteert hett, is he 1867 bet 1868 Amtshauptmann von dat Amt Zeven ween.
1869 is he Regerungsraad bi’n Regerungsbezirk Koblenz worrn un 1878 as Oberregerungsraad na’n Regerungsbezirk Minnen wesselt. Dor is he bet to sien Rohstand an’n 30. Juni 1887 bleven.[2]
He hett 1860 Elise Wilhelmine Gerding (9. September 1833–21. Juni 1923) freet.[1] De beiden harrn ünner annern de Kinner Johanne Justine Emilie Julie (10. März 1861–14. September 1876) un Julius Franz August (5. März 1866–April 1936).[1]
