Flederbeersupp

Teller Flederbeersupp (mit Klüten un Appels)

Flederbeersupp is en Eten, dat besünners in Noorddüütschland an de Küst (Sleswig-Holsteen, Hamborg, Mekelborg-Vörpommern, Delen vun Neddersassen) veel eten warrt.

Flederbeersupp warrt ut Flederbeersaft (Beern vun’n Flederbeerbusch) kaakt, de mit Stärk indickt warrt. Rin’e Supp köönt ok Sneden vun Appels oder Klüten kamen. Dorto kann ok Zitroonsaft kamen un för den Smack Kaneel un Nelkenköpp.

De Flederbeersupp warrt as Nadisch eten un besünners denn, wenn de Flederbeern riep wesen sünd, also in’n Harvst un Winter.