Flagg vun Peru

Vun Wikipedia
Wesseln na: Navigatschoon, Söök
Flagg vun Peru – Siedenverhältnis 2:3

De Flagg vun Peru wurr offiziell an' 25. Mai 1825 inführt.

Utsehn un rechtlich Vörgaven[ännern | Bornkood ännern]

Upbau vun de Flagg

De börgerlich Natschoonalflagg besteiht ut de Farven Root-Witt-Root in typisch republikaansch (revolutschonäre) Striepenform (senkrecht) nah dat Vörbild vun de Flagg vun Frankriek. Dat Siedenverhältnis bedrocht 2:3. All dree Striepen sünd gliek breet.

Unafhängig of en lütten Kaat oder en groot Huus, an' Natschonalfierdag an' 28. Juli moot all Bowarken mit en Natschonalflagg smückt ween.

Historie[ännern | Bornkood ännern]

De vermootlich eerst eegen Peruaansch Flagg wurr vun General Miller in Tacna an' 14. Mai 1820 hisst. Ut Upteeken ut de Tiet geiht hervör, dat sück dat um en blau Flagg mit en Sünndorstellen in't Zentrum hanneln dee. An' 21. Oktober 1820 wurr vun General José de San Martín in Pisco en Verordnung bekanntgeven, de de eerste offizielle Natschonalflagg beschrifft: As natschonale Flagg sall en ... Sieden- oder Linnendook bruukt wurrn, dat diagonal in veer Felder deelt is. ...Twee in root un twee in witt weiß... In't Zentrum sall en oval förmt Lorbeerkranz verschneet Bargen över en ruhigen See enthollen. Över de Bargen steiht en ünnergahn Sünn.... De Lorbeerkranz is gröön un in' übberen Deel mit en goldfarven Schleif fast maakt. De Himmel is blau, de Sünn geel mit hör Strahlen, de Bargen dunkelbruun un dat Meer is blaugröön farvt. En Legende vertellt, dat San Martín an de Küste vun Paracas an' 8. September 1820 land weer. Mööd vun de lang Reis is he an' Strand inslaapen. As he weer waak wurr, weer he blend vun de Schönheit vun vörbi fleegen Flamingos. Hör utbreedt Flögels in de ünnergahn Sünn weern för San Martín de Inspiratschoon för de eerste root-witt Flagg vun Peru. Afbillen vun de Flagg ut de Tiet gifft dat aber nich, so dat man bi de Rekonstruktschoon up de allgemeen Beschrieven anwiest is.

An' 15. März 1822 hett de „Böverste Delegierte“, José Bernardo de Tagle Portocarrero en Modifikatschoon vun de Flagg anördnt: Se sull af nu ut dree waagerecht Striepen bestahn, een witten tüschen twee root Striepen. In dat Zentrum sull sück en Sünndorstellen befinnen. In de Rekonstruktschon wurrd de Sünn in de Regel gänzlich root oder aber golden mit en rooden Ring afbildt. Dat is aber bekannt, dat in Süüdamerika to disse Tieden de Sünn meest mit minschlich Gesichtstüüg versehn wurr. Dorneben befinnen sück in en Museum in Lima, Peru, olt Originale oder Reproduktschonen vun de Flagg, de de Sünn as goldfarven mit minschlich Gesichtstüüg wiesen. Dat gifft aber ok noch öllere Afbillen vun Flaggen un Wappen, de de Sünn "eenfack" dorstellen. arstellen. En nochmalige Ännern vun dat Flaggendesigns wurr all in dat Johr 1823 (eventuell ok all Midden vun dat Johr 1822) dörführt, as man de Anordnung vun de Striepen vun en waagerecht to en senkrecht Positschoon afännern dee. Dat harr vermootlich den Grund, dat de Flagg ansonsten en to grooten Ähnlichkeit mit de Flagg vun Spanien, de waagrecht root, mit en geel mittleren Striep harr, upwies. De offizielle Anordnung vun disse Ännern passeer aber eerst an' 25. Februar 1825 wiels en konstitueeren Versammlung vun dat Peruaansch Parlament ünner den Vörsitt vun Simón Bolívar. Ünner de all tosommen fiev vörleggt nee Vörslääg för en Natschonalflagg geev dat aber kein, de Bolívar tostimmen dee. Toletzt wurr de bitherig Flagg bibehollen, aber man hett de Sünn in dat Zentrum dör dat Staatswappen uttuuscht.

Flaggen vun de Peruaansch-Boliviaansch Konföderatschoon[ännern | Bornkood ännern]

In de Johren 1836 bit 1839 weer Peru en Dee vun de Peruaansch-Boliviaansch Konföderatschoon, de de boliviaansch Diktater Andrés Santa Cruz nah en Invasion vun Peru erricht hett. Peru wurr dorbi in twee Staaten deelt: Noord-Peru un Süüd-Peru. Wiels de Staat Noord-Peru de 1825 fastleggt Natschonalflagg wieder führen dee, wurr för Süüd-Peru en nee Flagg maakt. De wurr an' 20. März 1836 dör Afordnete vun de süüdlich Provinzen in Sicuani fastleggt. Se bestunn ut en vertikalen rooden Striepen an' Flaggenmast as ok en gröön över en witten an dat fleegen Enn'. Wiel Süüd-Peru ut de veer Provinzen Arequipa, Puno, Cuzco as ok Ayacucho bestunn, wurrn veer goldfarven Steerns in en Halfkreis över en strahlen „Inka-Sünn“ anbrocht. Disse Anordnung stell ok dat Staatswappen vun Süüd-Peru dor. De Flagg vun Süüd-Peru wurr mit dat Enn' vun de Konföderatschoon in dat Johr 1839 afschafft. 1838 wurr noch en besünner Konföderatschoonsflagg schaffen, de ut en root Dook bestunn. Up de befunnen sück de Wappen vun de Liddmaatstaaten, de vun en Girlande ut Twieg infaat wurrn.

1950 hett General Odría de Flagg ahn Wappen to de nee börgerlich Flagg un Hannelsflagg bestimmt.

Fahnenhymne[ännern | Bornkood ännern]

Börgerlich Flagg vun Peru

Marcha de Banderas - Flaggenmarsch

Arriba, arriba, arriba el Perú y su enseña gloriosa inmortal,
llevad en alto siempre la bandera nacional.
Tal la llevaron con gloria y honor, héroes peruanos de invencible ardor.
Arriba, arriba siempre la bandera nacional.
Es la bandera del Perú,
de rojo y blanco color, cual llamarada de amor,
que en Ayacucho y en Junín
victoriosa amaneció con el sol de la Libertad

free översett:

Hooch wees Peru un sien glorreiche, unstarvlich Fahn! draagt de Natschonalflagg immer hooch.
So hebbt se mit Herrlichkeit, Ehr un mit nich to överwinnen Inbrunst de Helden vun Peru dragen; Hooch! immer hooch sall de Natschonalflagg ween!
Dat is de Flagg vun Peru - in root un witt Farv, glieksam as de Fackeln vun de Leev;
de bi Ayacucho un Junín (Slachten vun de Unafhängigkeit) siegreich mit de Sünn vun de Freeheit upgung.

Staats- un Kriegsflagg[ännern | Bornkood ännern]

Dat Emblem vun de Staats- un Kriegsflagg, dat in' mittleren witten Beriek liggt, wiest in dree Felder de dre Riekdömer vun dat Land: Flora (Quina-Boom), Fauna (Vicuña) un Mineralien (Füllhorn). Dat Emblem vun de Deenstflagg wurrd up sien beid Sieden umrahmt mit en Palmen- un en Lorbeerenzweig. Över dat Wappen wurrd en slooten Kranz afbildt. De Kranz find sück ok bi de Kriegsflagg an Land. Sietlich befinnen sück aber veer peruaansch Flaggen. De Seekriegsflagg entspreckt de Deenstflagg. De verscheeden Wapengattungen vun de peraansch Strietkraften hemm eegen Flaggen.[1]

Subnatschonale Flaggen[ännern | Bornkood ännern]

Hööfttartikel: Flaggen un Wappen vun de Departamentos vun Peru

Peru deelt sück in 24 Regionen (Departamentos), de wedderum in Provinzen updeelt sünd. Disse Verwalteneenheiten un ok de Städer hemm eegen Flaggen. (kiek ok: Verwaltensgleederung vun Peru)

Vun de Flaggen mit Wappen gifft dat ok Versionen, de de Wappen nich führen. Hier en paar Bispelen:[2]

Politisch Flaggen[ännern | Bornkood ännern]

In de tweet Hälft vun dat 20. Johrhunnert hebb twee Guerillabewegungen gegen die Regeeren in Lima kämpt. De „Lüchten Padd“ (Sendero Luminoso) weer en maoistische Bewegung, deren kommunistisch Övertüügen sück ok in hör Flagg wies. De Movimiento Revolucionario Túpac Amaru wies up de peruaansch Flagg de Kopp vun hör Vörbild Túpac Amaru, en indiaansch Kämper gegen den spaansch Kolonialherren. Dorto finnen sück en Maschiengewehr un en Steern up en Stang, de en V för „Victory“ (Sieg) billen.

De linksricht Alianza Popular Revolucionaria Americana (APRA) is de öldste noch bestahn Partei in Peru. Ok se bruukt dat revolutschonäre Root in hör Flagg.

Enkeld Nahwiesen[ännern | Bornkood ännern]

  1. Flags of the World - Governmental and naval flag
  2. Flags of the World - Subnational flags of Peru

Literatur[ännern | Bornkood ännern]

Weblenken[ännern | Bornkood ännern]

Commons-logo.svg Flaggen vun Peru. Mehr Biller, Videos oder Audiodateien to’t Thema gifft dat bi Wikimedia Commons.