Flagg vun Guinea-Bissau

Vun Wikipedia
Flagg vun Guinea-Bissau

De Flagg vun Guinea-Bissau wurr an’ 24. September 1973 offiziell inführt.

Bedüüden[ännern | Bornkood ännern]

Se hett bi en Siedenverhältnis vun 1:2 an’ Mast en swaarten fievtackten Steern up rooden Grund, denn baben en geelen Striep un ünnern en grönen Striep. De Farven hebbt dit Bedüüden:

  • De roote Striepen steiht för de Arbeit, den Kamp un dat Leeden, de dat Volk in de Kolonialtiet dulden mussen. Todem steiht dat Root för den Krieg, den dat Volk führen de, um unafhängig to wurrn.
  • Geel is dat Symbol för de Früchte vun de Arbeit un de Arnt, de dat Goodgahn sekert.
  • Gröön steiht för de tropisch Natuur un de Hoopnung up en glückelk Tokunft.
  • De swaart fievtackt Steern gellt as Symbol för Afrika un sien swaart Volk bzw. deren Würde, Freeheit un Freeden.

De Ähnlichkeit to de fröhere Flagg vun de Republiek Kap Verde wurr bewusst wählt un hebbt de Vereenigungsbestreeven mit dissen Staat to’n Utdruck brocht.

Historie[ännern | Bornkood ännern]

Fahnenappell vun de PAIGC-Rebellen 1974

In de koloniaal Tiet wurr in Portugiesisch-Guinea blots de Flagg vun Portugal bruukt. 1967 geev dat en Vörslag, för de Kolonien to de Flagg vun Portugal jümmer dat Wappen vun de Kolonie antofügen. Der Vörslag wurr aber nich ümsett.

De Natschonalflagg vun Guinea-Bissau gung ut de Fahn vun de Unafhängigkeitsbewegen PAIGC (Partido Africano da Independência da Guiné e Cabo Verde) hervör, de de panafrikaansch Farven Root-Geel-Gröön bruuken de. Nahdem de Staat 1973 unafhängig wurrn weer, hett man de Schrift PAIGC ünner den swarten Steern wegnommen – de Flagg kreeg dordör hör hüüdig Utsehn.

Literatur[ännern | Bornkood ännern]

  • W. Smith, O. Neubecker: Die Zeichen der Menschen und Völker: Unsere Welt in Fahnen und Flaggen.
    Reich Verlag Luzern, 1975, ISBN 3-7243-0115-4

Weblenken[ännern | Bornkood ännern]

Flaggen Guinea-Bissaus. Mehr Biller, Videos oder Audiodateien to’t Thema gifft dat bi Wikimedia Commons.