Flagg vun de Republiek Kap Verde

Vun Wikipedia
FIAV Flagg vun Kap Verde (Format 2:3)

De Flagg vun Kap Verde is de Natschonaalflagg vun de Republiek Kap Verde. De hüütige Flagg is an’n 2. September 1992 offiziell inföhrt worrn, nadem de Republiek Kap Verde ehr politisch Kontakten to Guinea-Bissau afbroken hett.

De Flagg wiest en blau Dook. De ünnere Deel dorvun steiht för dat blaue Water vun’n Atlantik, de bövere Deel is en Teken för den blauen Himmel ahn Enn. De teihn gelen Steerns staht för de teihn groten Eilannen, wobi Santa Luzia dorvun dat eenzig nich mehr bewahnte Eiland dorstellt. De ringförmig Anorden vun de Steerns schall de Natschoon un ehr Eenheit dorstellen. De Striepens in de Mitt symboliseert den Weg to’n Opbo vun’t Land, wobi witt för den Freden steiht un root för de Hapen.

Över de Proportschoon vun de Flagg gifft dat ünnerscheedliche Angaven. Se ännert sik twüschen tomeist 2:3 över 3:5, 10:17, 4:7 bit ruchweg 4:7.

Olle Flagg vun Kap Verde[ännern | Bornkood ännern]

FIAV histoorsch Flagg vun 1975-1992

Wiel de Tiet as portugeesche Kolonie is op de Kapverden de Flagg vun Portugal bruukt worrn. 1967 is de Vörslag maakt worrn, för de Kolonien to de Flagg dat tohöörig Wapen vun de Kolonie antofögen. Man, de Vörslag is nich ümsett worrn.

De historsche Flagg vun Kap Verde weer an’n 5. Juli 1975 optogen un an’n 19. April 1976 bestätigt. Dordör, dat se mit ehr panafrikaanschen Gestalten wat liek utseeg as de Flagg vun Guinea-Bissau, schüll de Verbunnenheit vun Kap Verde mit Guinea-Bissau utdrückt warrn. Dat Teken mit den Maiskranz üm den swarten Steern un de Mussel düüt op de hööftsächlichen weertschopplichen Göder vun’t Land hen, den Anbo vun Mais un de Fischeree

Literatur[ännern | Bornkood ännern]

  • W. Smith, O. Neubecker: Die Zeichen der Menschen und Völker: Unsere Welt in Fahnen und Flaggen.
    Reich Verlag Luzern, 1975, ISBN 3-7243-0115-4

Websteden[ännern | Bornkood ännern]

Flagg vun de Republiek Kap Verde. Mehr Biller, Videos oder Audiodateien to’t Thema gifft dat bi Wikimedia Commons.