Felix Gall
Felix Gall (* 27. Februar 1998 in Nußdorf-Debant) is en öösterrieksch Radrennfohrer.
Sportliche Loopbahn
[ännern | Bornkood ännern]Felix Gall hett van Kind of an verscheeden Sportaarden as Klautern, Tennis, Skifohren un Taekwondo bedreeven. Dör Schoolkameraden, de Triathlon bedrieven deen, keem he to’n Radsport.[1]
2015 wurr Gall öösterrieksch Junioren-Meester in‘t Straatenrennen. In’n Harvst vun dat Johr wurr he in dat US-amerikaansch Richmond Junioren-Weltmeester in’t Straatenrennen Torüch to Huus wurr he vun rund 1000 Minschen in sien Heimatoort empfangen, kreeg en Radsport-Stipendium, en Föhrerschienkurs un en nee Rennrad.[2]
2016 wunn Felix Gall den Junioren-Wettbewarf Trofeo Dorigo Porte, in dat Johr dorup kreeg he en Verdrag bi dat Development Team Sunweb. 2018 wurr he öösterrieksch U23-Meester in’t Straatenrennen. In’n März 2019 hett he sien eersten Spood bi en Elite-Rennen haalt, as he de tweet Deelstreck un de Gesamtwertung vun de Istrian Spring Trophy wunn.
Nah dree Johren in dat Nahwussteam un twee in den WorldTour-Kader vun Team DSM, geev Gall 2021 bekannt, in dat kamen Johr to dat AG2R Citroën Team to wesseln.[3] Eegentlich harr sien Verdrag bi DSM noch en Johr mehr loopen sull, nahdem dat aber immer weer to Spannungen tüschen ünnerscheedlich Fohrers un de Teamleitung keem, hett Gall sien Verdrag all Enn’n 2021 uplööst.[4]
2022 reck Gall mit dat AG2R Citroën Team den sössten Platz in de Gesamtwertung vun de Tour of the Alps. Sie gröttste Spood bit 2023 weer de Gewinn vun de 17. Deelstreck (de Königsdeelstreck) bi de Tour de France 2023 vör Simon Yates, Pello Bilbao, Jonas Vingegaard, David Gaudu un annern.
Wat he schafft hett
[ännern | Bornkood ännern]- 2015
- Junioren-Weltmeester – Straßenrennen
Öösterrieksch Junioren-Meester – Straatenrennen
- 2016
- Trofeo Dorigo Porte (Junioren)
- 2018
- Öösterrieksch U23-Meester – Straatenrennen
- 2019
- Gesamtwertung un en Deelstreck Istrian Spring Trophy
- 2023
- een Deelstreck Tour de Suisse
- een Deelstreck Tour de France
Weblinks
[ännern | Bornkood ännern]
Enkeld Nahwiesen
[ännern | Bornkood ännern]- ↑ Felix Gall schrieb Sportgeschichte. In: regionalsport.at. Afropen an’n 17. März 2019.
- ↑ Martin Roseneder: Großer Empfang von Weltmeister Felix Gall in Osttirol. In: radsportverband.at. 2. Oktober 2015, afropen an’n 17. März 2019.
- ↑ Ex-Junioren-Weltmeister Gall ab 2022 für Radprofiteam AG2R unterwegs. In: derstandard.at. 19. August 2021, afropen an’n 11. September 2021.
- ↑ Streit zwischen Team DSM und Ilan Van Wilder landet vor Gericht. In: cyclingmagazine.at. 28. Oktober 2021, afropen an’n 11. September 2021.