Taekwondo

Vun Wikipedia
Taekwondo Wettstriet

Taekwondo (Koreaansch 태권도 of |跆拳道) is en Kampsport ut Korea. Taekwondo warrt ok koreaansch Karate nöömt. Nettso as in Karate warrt ahn Wapens, man mit Fööt, Knee, Füüst un Ellbagen kämpt. Vun Belang sünd sünnerlich Trapptechniken mit Been. Herkamen doot beide Sportorden un Naams ut Korea. Wöörtlich betekent “Tae” Foot, “kwon” Hand oder Fuust un “Do” Oort oder Weg. Taekwondo is also de Bruuk vun Hannen en Fööt, üm sik sülvst to verdeffenderen un üm sien Person wieter uttoboen.

Traineert warrt Wettstriet, Katas (Formen) un Sülvstverdeffenderen. Hüütodaags prägt Trapptechniken, Dynamik un Tempo dat Bild van Taekwondo. As Kledaasch warrt en witt Antog - Dobok (도복) - un en Gördel - ti (띠) - dragen.

Dat gifft twee Organsisatschonen för den Sport: de ITF – International Taekwondo Federation (국제 태권도 연맹) würr 1966 grünnt. Wettstrieden sünd binnen dit System ahn Fullkontakt, man Sportlers dröfft mit Hannen up dat Hööft hauen. Sülvstvereffenderen is en wichtigen Deel van dat Training. De annere Organisatschoon is de WTF – World Taekwondo Federation (세계 태권도 연맹). Se weer in 1973 grünnt. Gegners kämpt in Fullkontakt, man sünd dör Helm und West schuulr. Mit Fööt dröff een up Hööft un Buuk hauen. Wunnen hett, wokeen sien Gegner k. o. haut oder mehr Punkten kriggt.

WTF-Taekwondo tellt blangen annere Kampsportsoorten (Wrösteln, Judo un Boxen) to de olympschen Kampsport-Diziplinen.