Favignana

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Favignana
Favignana
Laag vun Favignana in Italien
Basisdaten
Region: Sizilien
Provinz: Trapani
Flach: 37 km²
Inwahners: 4.311 (2005-00-00 2005)
Inwahnerdicht: 116,5 Inwahners pro km²
Hööchd: 6 m över de See
Postleettall: 91023
Vörwahl: 0923
Geograafsche Laag:
Koordinaten:37° 56′ N, 12° 20′ O
37° 56′ N, 12° 20′ O
Gemeenslötel: 081009
Öörd in de Gemeen: 3
Börgermeester:
Laag vun de Ägaadschen Eilannen

Favignana is de gröttste vun de Ägaadschen Eilannen, de vör de Westküst vun Sizilien in’t Middelmeer liggt. Verwaltungspolitisch stellt dit Eiland ok den gröttsten Deel vun de glieknaamige Gemeen, de to de Provinz Trapani in Italien höört.

Geografie un Weertschop[ännern | Bornkood ännern]

Mit en Flach vun 19,8 km² is Favignana de gröttste vun de Ägaadschen Eilannen. De hööchsten Punkten dorop sünd de Monte Santa Catarina mit 314 m un en Bult mit 252 m Hööch.

To dat Gemeenrebeet höört ok de Oortsdelen op de Eilannen Levanzo un Marettimo as ok de lütteren Eilannen. De Gemeen hett tosamen 4.311 Inwahners (Stand: 31. Dezember 2005), wovun 3.500 alleen al op dat Eiland Favignana wahnt. Weertschopplich winnt dat Eiland dör den Tourismus, de för vele Arbeitsplätz sorgt. En wichtigen Arbeitgever stellt aver ok de Fischeree dor. Wiel de Sommermaanden wahnt in de Gemeen bit to 30.000 Touristen.

Favignana is över Lienenscheep un Draagflögelbööd mehrmols an’n Dag mit Trapani verbunnen. De Lienenscheep bruukt för de Överfohrt ruchweg een Stünn, de Draagflögelbööd kaamt mit de halven Tiet ut.

De Thunfisch (ital.: tonno) warrt in Favignana noch op de traditschonelle Oort in Form vun de Mattanza fungen. De fungen Fisch warrt in’n Ansluss an Land foorts in de „Tonnara“ wieterverarbeit.

Historie[ännern | Bornkood ännern]

Oort un Eiland Favignana

Dat Eiland harr in de Antike den Naam Aegusa („Bottervagel“), wat op ehr Form anspeelt. Dorvun afleidt is ok de Naam vun de hele Inselgrupp vun de Ägaadschen Eilannen. Den hüütigen Naam hett se vun den Wind Favonio (Föhn).

Na en Överleevern weer Favignana dat Zegeneiland vun Odysseus, vun de ut he na’t Fastland föhrt is, woneem he op den Zyklopen drapen is.

Vör de Küst vun Favignana, in de Neeg vun de Cala Rossa, hett 241 v. Chr. de letzte Seeslacht vun’n Eersten Punischen Krieg stattfunnen, de ok as Slacht bi de Ägatisch Eilannen bekannt is.

Steden to’n Ankieken[ännern | Bornkood ännern]

För Touristen gifft en poor Steden, de een besöken schüll. Dat is to’n Bispeel dat Museum Villa Florio, oder de Tonnara vun Favignana, wat een vun de letzten in Italien is, de noch bedreven warrt. Butendem gifft dat noch de Grotten, in de al in de Antike Minschen leevt hebbt. Een dorvun is de Grotta dei Genovesi de op dat Eiland Levanzo liggt un ooolsteentietliche Teken un Malereen opwiest.

Websteden[ännern | Bornkood ännern]

Commons-logo.svg Favignana. Mehr Biller, Videos oder Audiodateien to’t Thema gifft dat bi Wikimedia Commons.