Ernst Kuntscher

Vun Wikipedia
Zur Navigation springen Zur Suche springen

Ernst Kuntscher (* 7. Januar 1899 in Bautsch, Mähren; † 10. Oktober 1971 in Stood) weer en düütschen Politiker von de CDU.

Leven[ännern | Bornkood ännern]

Na de Volksschool hett Kuntscher, de kathoolsch weer, en Lehr as Slosser maakt, de en Tied lang dör den Eersten Weltkrieg ünnerbraken weer. In de Tschechoslowakei hett Kuntscher von 1919 af an to de Düütsche Christlich-Soziale Volkspartei tohöört. Bet 1922 hett he as Slosser arbeidt. Dör den Krieg versehrt kunn he sien Beroop nich mehr vull doon un hett denn von 1922 af an op Bankkoopmann ümlehrt un för de Volksbank in Bautsch arbeidt. Dor weer he Leitend Beamter un von 1936 af an Maat von’n Vörstand. He weer ok Geschäftsföhrer von en christlich Konsumgenossenschaft. He weer aktiv in de Christliche Gewarkschop in dat Sudetenland.

Von 1927 af an weer Kuntscher Stadtraad in Bautsch un dor Vörsitter von de Frakschoon von de Düütsche Christlich-Soziale Volkspartei. Na de Annexion von dat Sudetenland 1938 hett he dat Amt verloren. An’n 1. Dezember 1938 is he Maat von de NSDAP worrn (Matennummer 6595129).[1]

1943 bet 1945 weer Kuntscher in de Wehrmacht un denn in engelsche Kriegsfungenschop.[2] Kuntscher keem 1945 as Verdrevenen na Neddersassen un hett bi de Stadt Stood arbeidt. 1945 weer he bi dat Grünnen von de CDU mit bi. He weer Afornten in’n Landdag Neddersassen un in’n Kreisdag von’n Landkreis Stood. 1948 is Kuntscher Viez-Landraad von’n Kreis Stood worrn.

Kuntscher weer von de eerste Wahl 1949 bet 1969 in’n Düütschen Bundsdag. He keem jümmer över de Landslist von sien Partei in dat Parlament. Von’n 9. Juli 1954 bet 1961 weer he Vörsitter von’n Bundsdagsutschuss för Heimatverdrevene, von 1961 bet 1965 von’n Bundsdagsutschuss för den Lastenutgliek.

Footnoten[ännern | Bornkood ännern]

  1. Hans-Peter Klausch: Zur NS-Vergangenheit von niedersächsischen Landtagsabgeordneten in der Nachkriegszeit (PDF; 1,8 MB) S. 20
  2. M.d.B. Die Volksvertretung 1946–1972: Kuntscher, Ernst afropen an’n 28. April 2010) Martin Schumacher, Kommission für Geschichte des Parlamentarismus und der politischen Parteien, 2006, ISBN 978-3-00-020703-7 (PDF; 508 kB)