Ernst Hartert

Vun Wikipedia
Ernst Hartert

Ernst Johann Otto Hartert (* 29. Oktober 1859 in Hamborg; † 11. November 1933 in Berlin) is en düütschen Ornithologen ween.

Hartert weer vun 1892 bit 1929 Vagelkurater in dat Walter Rothschild Zoological Museum in Tring in England. Over lange Johrteinte weer en he goden Fründ vun den Tiersystematiker Otto Kleinschmidt, ofschoonst de beiden sik over den Begreep „Aart“ nich eenig weern konnen. De Frundschop wohr bit an Hartert sien Dood. Tohopen mit Lionel Walter Rothschild hett Hartert dat Museum sien Magazin Novitates Zoologicae („Neets ut de Zoologie“, 1894-1939) rutgahn laten.He weer de Schriever vun dat Book Die Vögel der paläarktischen Fauna (1903–1922). Butendem hett he, tohopen mit Francis Charles Robert Jourdain, Norman Frederic Ticehurst (1873–1960) un Henry Witherby (1873–1943) dat Wark List of British Birds (1912) schreven. In'n Updrag vun Lord Rothschild hett he Reisen unnernahmen na Indien, Afrika un Süüdamerika hen. 1930 kehr he torüch na Berlin. Dor is he 1933 sturven. Hartert hett allerhand Vagelaarden to'n eersten mol wetenschopplich beschreven, dormank den Raven Corvus rhipidurus, de Snippe Scolopax mira, den Bargbussard Buteo oreophilus un de Resensalangane Hydrochous gigas. De Hartertelfe Acestrura harterti, dat Hartertpoggenmuul Batrachostomus harterti un dat Peru-Buntsteertken Phlogophilus harterti hefft hrn Naam na em kregen.

Schriften (Utwahl)[ännern | Bornkood ännern]

Blangen bannig veel Artikels in dat Museummagazin Novitates Zoologicae hett he unner annern bi düsse Böker mitmaakt:

  • 1891: Katalog der Vogelsammlung im Museum der Senckenbergischen Naturforschenden Gesellschaft in Frankfurt am Main
  • 1897: Podargidae, Caprimulgidae und Macropterygidae
  • 1897: Das Tierreich
  • 1900: Trochilidae
  • 1902: Aus den Wanderjahren eines Naturforschers: Reisen und Forschungen in Afrika, Asien und Amerika, nebst daran anknüpfenden, meist ornithologischen Studien
  • 1903: Ueber die Pipriden-Gattung Masius Bp.
  • 1910–1922: Die Vögel der paläarktischen Fauna: Systematische Übersicht der in Europa, Nord-asien und der Mittelmeerregion vorkommenden Vögel. Drei Bände
  • 1920: Die Vögel Europas

Literatur[ännern | Bornkood ännern]

  • Bo Beolens, Michael Watkins: Whose Bird? Common Bird Names and the People They Commemorate. Yale University Press, New Haven und London 2003, ISBN 0-300-10359-X
  • Hans Kelm: Otto Kleinschmidt und Ernst Hartert. Aus ihrem Briefwechsel 1895-1932. In: Journ. Orn. Bd. 101, Nr. 4, 1960, S. 404-471
  • Erwin Stresemann: Festschrift Ernst Hartert zum siebzigsten Geburtstage gewidmet. 1929

Weblenken[ännern | Bornkood ännern]

Ernst Hartert. Mehr Biller, Videos oder Audiodateien to’t Thema gifft dat bi Wikimedia Commons.