Ernesto Civardi
Ernesto Kardinal Civardi (* 21. Oktober 1906 in Fossarmato, Provinz Pavia, Italien; † 28. November 1989 in Rom) weer en Kurienkardinal vun de röömsch-kathoolsch Kark.
Leven
[ännern | Bornkood ännern]Nah dat Studium vun Kathoolsch Theologie un Philosophie an dat Preesterseminar in Pavia un an de Päpstliche Universität Gregoriana, an dat he sien Doktertitel maakt hett, wurr he an’n 29. Juni 1930 to’n Preester weeht. Ansluutend weer he tonächst Subregens an en röömsch Preesterseminar. Van 1934 bit 1957 wark he in de Seelsorge in dat Bisdom Rom mit un weer to glieker Tiet Mitarbeiter in de Konsistorialkongregatschoon. An‘n 15. Juli 1950 hett hüm Paapst Pius XII. den Titel Päpstlich Huusprälat verleeht. Van 1953 bit 1965 weer he denn as Substitut, van 1965 bit 1967 as Ünnersekretär in de Konsistorialkongregatschoon tätig. Todem weer he van 1962 bis 1965 as Experte för dat Tweet Vatikaansch Konzil tätig.
An‘n 17. Mai 1967 hett hüm Paapst Paul VI. to’n Sekretär vun de Konsistorialkongregatschoon un kört dornah, an’n 26. Juni 1967, to’n Titulararzbischop vun Serdica ernannt. De BIschopsweehnkreeg he an’n 16. Juli van dat sülvig Johr ok dör Paul VI. in den Petersdom; Mitkonsekratoren weern de Bischööp Augusto Gianfranceschi un Jacques-Paul Martin. Nahdem de Konsistorialkongregatschoon an‘n 1. August 1967 to de Kongregatschoon för de Bischööp umstruktureert wurrn weer, weer he deren Sekretär un in disse Funktschoon ok Sekretär vun de Konklaven van‘n August un Oktober 1978.
Paapst Johannes Paul II. hett hüm in sien eerst Konsistorium an‘n 30. Juni 1979 as Kardinaldiakon mit de Titeldiakonie San Teodoro al Palatino in dat Kardinalskollegium upnommen; an den sülvigen Dag hett Civardi sien Amt as Sekretär vun de Kongregatschoon för de Bischööp daalleggt.
Ernesto Civardi is an’n 28. November 1989 in Rom storven un wurr in de Kapelle van de „Bruderschaft der Lombarden“ up den Karkhoff Campo Verano bisett.
Weblinks
[ännern | Bornkood ännern]- Ernesto Civardi in Salvador Miranda: The Cardinals of the Holy Roman Church. fiu.edu, Website vun de Florida International University; afropen an’n 9. Juli 2019 (engelsch)
- Indrag för Ernesto Civardi up catholic-hierarchy.org; afropen an’n 9. Juli 2019