Pius XII.

Vun Wikipedia
Pius XII.
Pius XII. mank hollandsche Krüüzherrn
Wapen vun Pius XII.

Pius XII. (* 2. März 1876 in Rom as Eugenio Maria Giuseppe Giovanni Pacelli; † 9. Oktober 1958 in Castel Gandolfo) weer Paapst vun de Kathoolsche Kark un de Staatsböverste vun den Vatikan vun 2. März 1939 bit to sien Dood. Pacelli studeer af 1894 Theologie un promoveer 1901 to'n Dr. theol. un 1902 to'n Dr. jur. Nah de Familientraditschoon harr he en Juristenloopbahn inslahn sullt, aber he hett sück 1899 to'n Preester weihen laten. 1917 weer he Nuntius in München, 1920 bit 1929 in Berlin. Vun 1930 af an weer he denn Staatssekretär vun Paapst Pius XI.. To de Tiet hett he sück düchtig för de Konkordatspolitik vun de Vatikan insett.

As he Paapst wurrn de, brook ok bold de Tweete Weltkrieg ut. Na buten hen hett sück Pius XII. neutral verhollen, achtern rüm un up diplomatischen Weg, hett he aber versöcht, Verfolgungen to verhinnern un Not to mildern. To de Vernichten vun Jööden hett he offiziell nichts seggt, wat hüm nahst vööl Kritik inbrocht hett. Fatalerwies hett he de Natschonalsozialismus sogor verharmlost, weer aber strikt tegen de Kommunismus. Ok dat broch hüm Kritik in, bunn dat doch de Kark, de he eegentlich internatschonal hollen wull, ok an den Westen.

He is woll bannig konservativ wesen, gelehrt un asketisch leevend, aber in Rom hett he zentralistisch un autoritär regeert. En Staatssekretät harr he all siet 1944 nich mehr. He weer ok tegen jeder Versöök vun en sellschaplichen Integratschoon un hett de Katholiken un Protestanten wieder vunanner af brocht.

Sien Nahfolger wurr Paapst Johannes XXIII. .

Weblenken[ännern | Bornkood ännern]

Op Wikiquote gifft dat Zitaten to, över oder vun „Pius XII.“ (hoochdüütsch).

Born[ännern | Bornkood ännern]

  • Personen Lexikon vun de Chronik Verlag Band 2
Vörgänger Amt Nafolger
Pius XI. Paapst
1939 - 1958
Johannes XXIII.