Erich Pohl (Politiker)

Erich Pohl (* 31. Mai 1917 in Wien; † 21. Januar 2002 in Bookholt) weer en düütschen Politiker von de CDU.

Pohl is 1917 in Wien boren un weer dor ok op School. He hett Medizin an de Universität Wien studeert un is in’n März 1940 as Dokter tolaten worrn. Von Mai 1940 bet 1945 weer he Soldaat in’n Tweten Weltkrieg. He weer den gröttsten Deel von de Tied Truppendokter in en Panzerdivision. Na dat Enn von’n Krieg weer he bet 1956 Assistenzdokter un Böverdokter in en Klinik. 1956 hett he en Praxis apenmaakt, in de he as Internist arbeiden dee. Pohl weer Vörsitter von’n Doktervereen Horborg-Land un Maat von’n Bezirksvörstand von de Dokterkamer in Lümborg. He is 1952 Raadsherr in de Stadt Bookholt worrn un 1956 Afornten in’n Kreisdag von’n Landkreis Horborg. Von’n 6. Juni 1967 bet 20. Juni 1986 (sösste bet teihnte Wahlperiood) weer he för den Wahlkreis Bookholt Maat von’n Landdag von Neddersassen. Von’n 14. September 1970 bet 20. Juni 1974 weer he dor Vörsitter von’n Utschuss för Sozial- un Gesundheitswesen.

Pohl weer Dreger von dat Grote Verdeenstkrüüz von’n Verdeenstorden von de Bundsrepublik Düütschland.