Engelke
Engelke is een plattdüütschen Vörnaam for Jungs (un ok för Deerns).
Herkamen
[ännern | Bornkood ännern]Engelke kummt vun de olen düütschen un germaanschen Vörnaams Engelbert oder Engelhart vun her. In Engelbert steekt de germaanschen Wöör Angil (dat heet: Ut dat Volk vun de Angeln) un beraht (dat heet glinsterig oder beröhmt). In Engelhart steekt de Wöör Angil un harti (dat heet stark oder hart) in. Engelbert bedutt also Beröhmt mank de Angeln un Engelhart heet Stark mank de Angeln.
De plattdüütsche Naam
[ännern | Bornkood ännern]Toeerst sünd de olen Naams afkört wurrn, as dat begäng weer. Denn bleef bloß noch Engel öber. As dor een Smusenaam for lüttje Gören vun maakt wurrn is, keem dor dat Anbacksel (Suffix) -ike oder -ke achtern an (Diminutiv). Dor is denn de Naam Engelke bi rutkamen. Up Platt heet dat Lüttje Mann ut de Angeln ehr Volk oder De lütt is, man stark mank de Angeln.
Plattdüütsche Tonaams
[ännern | Bornkood ännern]Vun düssen Vörnaam kaamt de plattdüütschen Tonaams Engelke, Engelkes un Engelken vun her. De bedüüt so wat, as Ut Engelke siene Familie oder Vun Engelke sienen Hoff.
Kiek ok nah bi
[ännern | Bornkood ännern]Weblenken
[ännern | Bornkood ännern]
|
De Artikel „Engelke“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen. |