Endoparasit

Vun Wikipedia
Wesseln na: Navigatschoon, Söök
De Beesterbandworm is en Endoparasit

En Endoparasit is en Parasit, de, gegen den Ektoparasiten over, in den Organismus vun en Weert leven deit. Dor könnt se sik in den Darm, Bregen, Epithel, in't Bloot un in de wecken Organe bi upholen. Endoparasiten könnt binnen oder buten de Zellen vun en Organismus leven. Towielen ännert sik dat ok mit'e Tied, wenn de Parasit wassen deit. De Malariaparasit kummt in Bloodzellen vor un is also en intrazellulären Parasiten. Giardia leevt buten de Zellen un warrt vundeswegen to de extrazellulären Parasiten rekent. De Echten Bandwörmer leevt as extrazelluläre Parasiten in den Darm. Ok Weiherflunken sünd Endoparasiten. En besunnern Parasiten is de Assel Cymothoa exigua. Se kruupt in en Fisch rin, lett dor de Tung vun afstarven un nümmt denn sülms de Steed vun de Tunge bi den Fisch in.