Thünen (Gemeen Eiten)

Vun Wikipedia
(wiederwiest vun Emßerthünen)
Wapen/Flagg Koort
hett keen Wapen
Thünen
Laag vun Thünen in Düütschland
Basisdaten
Bundsland: Neddersassen
Landkreis: Veern
Gemeen: Eiten
Inwahners:
Postleettall: 28876
Vörwahl: 04207
Geograafsche Laag:
Koordinaten:53° 3′ N, 9° 2′ O
53° 3′ N, 9° 2′ O

Karte

De Thünen (hoochdüütsch Thünen) is en Oort in de Gemeen Eiten in’n Landkreis Veern, Neddersassen. Binnen de Gemeen höört de Oort to de polietsche Oortschop Eiten-Süüd.

De Thünen is ok Eiterthünen un Emßerthünen nöömt worrn.

Geografie[ännern | Bornkood ännern]

De Oort liggt op en Geestutlöper von de Achem-Veerner Geest, de in dat Königsmoor rinreckt.

De Naveröörd sünd Eiten in’n Noorden, Up’m Vie in’n Oosten, Emßen in’n Süden un Ruthentahl in’n Westen.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett Eiterthünen to de Mairie Achem in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.

Thünen hett von öllers to Emßen tohöört. 1929 hett de Gemeen Emßen Thünen afgeven an de Gemeen Eiten. As sik mit de Gemeenreform in Neddersassen an’n 1. Juli 1972 de ne’e, gröttere Gemeen Eiten billt hett, is de ole Gemeen Eiten opdeelt worrn in de twee Oortschoppen Eiten-Süüd un Eiten-Noord. Thünen höört sietdem to Eiten-Süüd.

Inwahnertall[ännern | Bornkood ännern]

Johr Inwahners
1812-00-001812[1] 6
1871-12-011. Dezember 1871[2] 73 Lüüd, 15 Hüüs
1885-12-011. Dezember 1885[3] 71 Lüüd, 14 Hüüs
1905-12-011. Dezember 1905[4] 79 Lüüd, 14 Hüüs

Religion[ännern | Bornkood ännern]

De Thünen is evangeelsch-luthersch präägt un höört to dat Kaspel von de Petrus-Kark in Eiten.

För de Kathoolschen is de St.-Matthias-Kark in Achem tostännig.

Weertschop un Infrastruktur[ännern | Bornkood ännern]

De freewillige Füürwehr Eiten is för’n Thünen mit tostännig.

Verkehr[ännern | Bornkood ännern]

De Thünen is över Eiten anbunnen an de Landsstraat 168, de in’n Westen na Bremen-Oosterholt geiht un in’n Noordoosten na Bassen un Otterbarg. Över Emßen is Thünen anbunnen an de L 167, de in’n Süden na Achem föhrt.

De nächsten Autobahnen sünd de A 1 (Afsnidd HamborgBremen) un de A 27 (Afsnidd BremenWasra). De Opfohrt 52 Eiten op de A 1 liggt knapp dree Kilometer in’n Noordosten an de L 167 un de Opfohrt 23 Achem-Noord op de A 27 knapp dree Kilometer in’n Süden ok an de L 167.

De nächste Bahnhoff is so knapp veer Kilometer Kilometer wied weg in’n Süden de Bahnhoff Achem an de Bahnlien Wunsdörp–Bremen.

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2