Elke

Vun Wikipedia
Zur Navigation springen Zur Suche springen

Elke is een plattdüütschen Vörnaam för Deerns. In de vörmolige DDR hett de Naam allerhand Frünnen funnen, ok wiet buten dat plattdüütsche Spraakrebeet.

Herkamen[ännern | Bornkood ännern]

Elke is een korte Form vun den germaanschen Naam Adelheid. As dat bi ole germaansche Naams begäng is, steekt dor twee Wöör in. Adal heet so veel as vörnehmen Sinn oder vörnehme Aart un Heit bedutt so wat as Utsehn oder Gestalt.

De plattdüütsche Naam[ännern | Bornkood ännern]

Elke wiest all de Eegenarten vun eenen plattdüütschen Vörnaamen up. Vunwegen dat de Plattsnackers mundfuul weeren, wurr de Naam Adelheid oder ok den sien plattdüütsche Form Ahlheit afkört. Dor is dor denn Ahle vun wurrn. Düsse korte Form kreeg denn een Anbacksel (Suffix), wat de Naam lütter maken dö (Diminutiv). Dat weer dat Anbacksel -ike, wat faken bi plattdüütsche Naams bruukt wurrn is. Up düsse Aart is ut Ahlheit Alike (ok: Alecke) wurrn. Alike un Alecke sünd de öllsten Formen vun den Naam Alke. De keem tostann, as dat i oder dat e denn mit de Tiet ok noch wegslepen wurrn is (vunwegen de Mundfuulheit). Alke un al de annern Formen as Elke bedüüt denn so veel as Lüttje Ahlheit. Oder, wenn een dat ganz utdüden will: Lütt Deern, de ehr Gestalt vörnehmen Sinn utstrahlt.

Kiek ok nah bi[ännern | Bornkood ännern]

Weblenken[ännern | Bornkood ännern]

  • Wofaken un woneem de Vörnaam in Düütschland vörkummt: Elke