Elisabeth I. (Tudor)

Vun Wikipedia
(wiederwiest vun Elisabeth I.)
Disse Artikel is man blots en Stubben. Du kannst Wikipedia helpen un em verbetern.
Königin Elisabeth vun England üm 1585 rüm

Königin Elisabeth I. (* 7. September 1533 in Greenwich ; † 24. März 1603 in Richmond) weer de Königin vun England vun 1558 bet 1603. Se weer de letzte vun de Königen vun’t Huus Tudor un, nah Matilda, Lady Jane Grey un Maria Tudor, de veerte Fro up den Throon vun England. Bekannt wurrn is se ok unner den Naam „De Jungfroon-Königin“ (The Virgin Queen). Se weer de Dochter vun Heinrich VIII. un den siene twete Fro Anne Boleyn. Se folg ehre Halfsuster Maria I. (Ökelnaams: „Maria de Kathoolsche“ un „Bloody Mary“) up den Throon. Elisabeth hett keen Kinner harrt. Na ehren Dood is ehr neegsten Verwandten up den Throon folgt. Dat weer Maria Stuart ehr Söhn Jakob VI., de König vun Schottland weer. As engelschen König dreeg he den Naam Jakob I..

Leven[ännern | Bornkood ännern]

Jöögd un Throonfolg[ännern | Bornkood ännern]

Elisabeth I. is boren in den Greenwich Palace. Se weer Heinrich VIII. un Anne Boleyn ehre Dochter. Vunwegen dat Anne Boleyn em keen Jungs schunken harr, hett Heinrich siene tweete Fro verordelen un an'e Siet bringen laten. He hett eenfach seggt, se harr Ehbruch mit verscheden Mannslüde bedreven. Dat stimm avers nich. He woll ehr losweern un Scheden weer nich mööglich. Dor weer Elisabeth noch nich mol dree Johr oolt. Vun de Deern is denn faststellt wurrn, dat se na de engelschen Gesetten nich Königin weern konn. Eerst veel later, as Heinrich siene sesste (un leste) Fro Catherine Parr wat to seggen harr, hett dat Parlament ehr wedder in de Throonfolg insett. Vunwegen düsse Ümstänn hett Elisabeth ehr Leven lang dormit to kriegen harrt, dat ehre Fienden ehr vörsmieten döen, se harr up England sien Throon gor nix to söken, se weer ja gor keen richtige Königin, man bloß en Bastard. Achter düsse Snackeree stünn ok Maria Stuart, de vörmolige kathoolsche Königin vun Schottland. De wull denn süms Königin vun England weern.

Elisabeth ehr Ünnerschrift

In ehr Tied warr, wiels de Hanse, Frankriek un Spanien gegen Ingland weern un Ingland so anner Hannelsrebeden hebben müss, Virginia innahmen. Dat weer de Anfang vun't British Empire un't Enn vun de Hanse. In de Tiet vun de Königin Elisabeth hett sick de Anglikaansche Kark dörsett.