Eine Rolle Duschen

Vun Wikipedia
Filmdaten
Plattdüütsch Titel:
Originaltitel: Eine Rolle Duschen
Düütsch Titel: Eine Rolle Duschen
Produkschoonsland: Düütschland
Johr vun’t Rutkamen: 1987
Läng: 5 Minuten
Originalspraak: Düütsch
Filmkru
Speelbaas: Detlev Buck
Dreihbook: Detlev Buck
Kamera: Michael Hammon
Snitt: Detlev Buck
Dorstellers

Eine Rolle Duschen (op Platt so veel as „Een Rull Brusen“) is en düütschen Kortfilm vun Detlev Buck ut dat Johr 1987. De Film weer in’n Rahmen vun en Seminararbeit an de dffb maakt.

Inholt[ännern | Bornkood ännern]

De Kortfilm wiest in fief Minuuten, wat en jungen Kerl beleevt, de mit en Badebüx an in en apentlich Bruus geiht. En Schild wiest dorop hen, dat dat Bruusen blots naakt verlööft is. Man jüst as he anfangen will, kummt en junge, snuckelige Putzfro rin, üm den Bodden vun den Bruusruum optowischen. Toeerst is em dat all pienlich. He tütt sik aver doch ut un maakt mit dat Bruusen wieter.

As em nu sien Bruusgel rünner fallt, kummt dat vör de Fööt vun de Deern to liggen. Se lett em dat man nich wedder opböhren, man fangt an, sik sülvst ok uttotehn, un en Oogenblick later sünd se böös an’n Gang – man blots för en Sekunn. Dat ganze wiest sik neemlich as en Dagdroom vun den jungen Kerl. As he aver de Oogen wedder apen maakt, reckt de jümmer noch antogen Deern em dat Bruusgel un maakt mit ehr Arbeit wieter.

Achtergrund[ännern | Bornkood ännern]

De Kortfilm is in’n Rahmen vun en Seminar an de Filmakademie dreiht worrn. De Opgaav för Buck weer dorbi binnen en eenzigen Dag mit blots en eenzig Filmrull en Film to maken. De beiden Hööftdorstellers hett he den Avend vörher funnen. Sie harrn sik kortfristig praat funnen, de Rullen to spelen. Dat Filmmaterial weer den tatsächlich in blots en Dag in ungefähr 7 Stünnen afdreiht. Dat lööp düchtig sporsam af mit en Dreihproportschoon vun 1:2. Dat heet fief Minuuten Film sünd ut 10 Minuuten Material tohopensneden worrn.

De Kortfilm lööp dormols as Vörfilm to Bucks fröhen Film Erst die Arbeit und dann? in’t Kino un is dordör ok woll en beten bekannter worrn.

Utteken[ännern | Bornkood ännern]

De Film weer op de Internatschonalen Hofer Filmdaag mit den Kodak-Födderpries för Nawassspeelbasen uttekent.

Websteed[ännern | Bornkood ännern]