Eberhard Christian Compe

Vun Wikipedia
Zur Navigation springen Zur Suche springen

Eberhard Christian Compe (* 22. Dezember 1788 in Göttingen; † 9. Dezember 1867 in Horborg) weer en düütschen Verwaltungsbeamten.

Compe is 1788 as Söhn von’n Gerichtsschult Heinrich Carl Bernhard Compe (1745–1802; later Amtmann in Nienborg) in Göttingen boren. He hett sik an’n 24. Oktober 1807 an de Universität Göttingen inschreven un dor Juristeree studeert. An’n 18. Januar 1809 hett Compe to de Stifters von dat Corps Hannovera Göttingen höört.[1] Na de Schandarmen-Affäär is he in’n August 1809 ut Göttingen weg. Na dat Studium is Compe in’n hannöverschen Staatsdeenst gahn. He weer as Amtassesser von 1814 bet 1827 Interimsadministrater bi dat Amt Addelborg. Von dor is he as Amtsassesser an dat Gericht Leh gahn un hett dor von’n 9. November 1827 bet Oktober 1828 dat Leid över dat Gericht hatt.[2] Na disse Tied weer he denn knapp teihn Johr Amtsassesser bi dat Amt Horborg. As Nafolger von Claus Otto Benedix von der Decken is he üm 1836 rüm Amtmann von dat Amt Neehuus worrn, 1846 Amtmann von dat Amt Horborg un 1853 Oberamtmann. Dat weer he bet 1858. Tohoop mit Waterbodirekter Johann Heinrich Blohm weer Compe Maat von de Horbörger Havenbokommission.

1859 is he Ehrenbörger von de Stadt Horborg worrn un 1950 hett de Krüüzstraat in Horborg na em den ne’en Naam Compeweg kregen.

He weer verheiraadt mit Karoline, borene Mehliss. De beiden harrn de Dochter Sophie (31. Januar 1833–12. Juni 1903). Compe is 1867 doodbleven un liggt begraven op’n Olen Horbörger Karkhoff.

Footnoten[ännern | Bornkood ännern]

  1. Kösener Corpslisten 1960, 42, 48
  2. Dieter Riemer, Uwe Lissau: Vom Leher Vogt zum Amtsgerichtspräsidenten. Gerichtsvorstände in Bremerhaven-Lehe vom Mittelalter bis heute. Bremerhoben 2011, ISBN 978-3-86918-133-2, Sied 53