Duncan I.

Vun Wikipedia
Zur Navigation springen Zur Suche springen
Donnchad mac Crínáin

Duncan I. ut dat Huus Dunkeld (Donnchad mac Crínáin; * 1001; † 14. August 1040) weer König vun Schottland vun 1034 bit 1040. Bavenhen weer he König vun Strathclyde vun 1018 bit 1040.

He weer de öllste Söhn vun Abt Crinán vun Dunkeld un Prinzessin Bethoc. Nadem he al 16 Johren up den Throon vun Strathclyde seten harr, folg he 1034 sien Grootvadder na Mudder ehre Siet hen, dat weer Malcolm II., up den Throon vun Schottland. Malcolm harr dat ole Tanistry-System afschafft un so slump Duncan dorbi, dat schootsche Königriek in en Arv-Monarkie üm to wanneln.

Sien Ökelnaam weer „Duncan, de dat goot meent“, man dat weer nich unbedingt en Kumplement. He föhr den Staat ohn Erbarmen un dat Volk un ok de Adel müchen em nich lieden. Babento keem noch, dat he Striet harr mit sien Vedder Macbeth. De is vunwegen William Shakespeare en Deel vun de Weltliteratur wurrn. Wat nu genau passeert is, is hüdigendags nich mehr rut to finnen. Fast steiht bloß, dat Duncan in de Slacht dune bi Elgin vun Macbeth doot slahn wurrn is.

Duncan weer verheiraat mit en Prinzessin vun Northumberland. De hett em veer Söhns schunken. Malcolm III. un Donald III. sünd later ok Königen vun Schottland wurrn. En annern Söhn weer Maelmuire. Den sien Grootsöhn Harald Maddadson scholl Herrscher över de Orkney-Inseln weern.

Weblinks[ännern | Bornkood ännern]