Dragoljub Velimirović

Vun Wikipedia
Wesseln na: Navigatschoon, Söök
Dragoljub Velimirović, 1966

Dragoljub Velimirović (* 12. Mai 1942 in Valjevo; † 22. Mai 2014 in Belgrad[1]) weer en jugoslawisch, later serbisch Schachmeester.

Dragoljub Velimirović kreeg sien eerst schachlich Utbillen vun sien Moder Jovanka Velimirović, de ok de eerste jugoslawisch Staatsmeesterin bi de Fruen weer. Den natschonalen Meesterteitel kreeg he nah de Jugoslawisch Meesterschap 1962. Nah Erfolgen in Skopje 1971 un Vrnjačka Banja 1973 kreeg he 1973 vun de FIDE den Großmeestertitel.

Velimirović wunn 1975 de Meesterschap vun Jugoslawien in Novi Sad un 1997 in Nikšić. 1970 deel he sück den Sieg mit Milan Vukić.

All tosommen hett he söss Mal an Schacholympiaden deelnommen.

Anner Turnierspood

  • Vinkovci 1970: 5. Platz
  • Budva 1981: 1. Platz, Zonenturnier
  • Titograd 1984: 1. Platz
  • Vrsac 1987: 1. Platz

Velimirović speel geern scharp un komplizeert Spelen, so is de Upbau vun de Sosin-Variante mit lang Rockaad un Figurenopper nah hüm nömmt. Disse Stil forder aber ok völ Energie, sien Ergevnisse weern dorüm temelk ünnerscheedlich. Sien letzt Elo-Tall bedroog 2407. Sien hööchste Elo-Tall harr he mit 2575 in’ Januar 1986.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Meldung van’ 23. Mai 2014 up chess-news.ru (russisch)