Donald I. (Schottland)

Vun Wikipedia
Wesseln na: Navigatschoon, Söök

Donald I. MacAlpin (Domnall mac Ailpín; * üm 812 rüm; † 863) weer de König vun Schottland vun 858 bit 863.

Donald folg sien Broder Kenneth I.. In sien korte Tiet as König geev he en Gesetzbook rut, dat ünner den Naam Laws of Aedh bekannt is. In düsse Gesetzen steiht ok schreven vun den Tanistry-Bruuk. Düsse Bruuk bedutt, dat de Nahfolger vun en König vun Schottland utsöcht warrt mank de öllsten un besten Mannslüde vun sien Sipp so lang. as de König noch leevt. Na düssen Bruuk is Donald sien Brodersöhn Konstantin I. as tokümstigen König vun Schottland utsöcht wurrn.

Een kann hüdigendags nich mehr seggen, up wat vun Aart Donald 863 storven is. Dat warrt seggt, he weer ümkamen in en Slacht bi dat Dörp Scone in Perthshire. Man dat warrt ok vertellt, he weer ganz in'n Freden storven in sien Slott in Kinn Belachoir. Donald I. hett ok en Söhn harrt. Dat weer Giric, de vun 878 bit 889 tosomen mit Eochaid regeern dö. Donald I. is up dat Eiland Iona ünner de Eer bröcht.

Böker[ännern | Bornkood ännern]

Weblinks[ännern | Bornkood ännern]