Dmitri Andrejewitsch Muratow

Vun Wikipedia
Zur Navigation springen Zur Suche springen
Dmitri Muratow bi de Verleehn vun de Karlsmedaille för europääsch Medien an de Nowaja Gaseta, 2012

Dmitri Andrejewitsch Muratow (russisch: Дмитрий Андреевич Муратов; * 30. Oktober 1961 in Kuibyschew, Sowjetunion) is en russisch Journalist.[1] In dat Johr 2021 wurr he mit den Freedensnobelpries uttekent.

Leven un Wirken[ännern | Bornkood ännern]

Muratow hett 1983 an de philologischen Fakultät vun de Staatliche Universität Kuibyschew gradueert. 1992 hett he tosommen mit Gliekgesinnten de Zeitung Komsomolskaja Prawda verlaaten, wiel he mit deren Redaktschonspolitik nich inverstahn weer, un hett de Grupp 6. Stock grüünd. Ut disse Grupp keemen de Grünnensliddmaaten vun de Nee Täglichen Zeitung, de tonächst jede Week, 1993 jeden Dag herutkeem. Van 1995 bit November 2017 weer he wählt Chefredakteur vun de nu in Nowaja Gaseta umnöömt Zeitung, de vun dat Komitee to’n Schuul vun Journalisten all 2007 as „eenzig wirklich kritische Zeitung mit natschonaler Reckwiet“ in Russland betekent wurrn weer.[2] 2004 is he de Russischen Demokraatschen Partei Jabloko bitreeden.[3]

2016 nehm Muratow den Golden Pen of Freedom Award vun de WAN-IFRA an.[4] Af 2018 weer he noch Vörsitter vun den Redaktschonsutschuss, de as Herutgever vun dat Blatt uptrett, de mehrheetlich den Journalisten hörrn deiht. In’n September 2020 hett Muratow en Breef to de Ünnerstütten vun de Protestaktschonen in Wittrussland ünnerschreeven.[5]

2021 wurr hüm gemeensam mit de philippiensch Journalistin Maria Ressa de Freedensnobelpries tospraaken. Bei kregen de Utteknung „för hör Bemöhen um de Wohren vun de Meenungsfreeheit, de en Vörutsetten för Demokratie un düersamen Freeden is“.[6] Muratow hett den Pries den ümbrochten Journalisten Anna Politkowskaja, Jurij Schtschekotschichin, Igor Domnikow, Anastassija Baburowa, Stanislaw Markelow un Natalja Estemirowa un sien levend Kollegen bi de Nowaja Gaseta widmet. Muratow hett buterdem seggt, dat he dat Priesgeld in Afspraak mit sien Redaktschoon ünner annern an en Stiftung för Kinner mit Spinaler Muskelatrophie, an en Krebs-Stiftung un an en Sterbehospiz spennen much.[7]

Weblinks[ännern | Bornkood ännern]

Commons-logo.svg Dmitry Muratov. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Körtbiografie up lenta.ru (russisch); afropen an’n 14. April 2018
  2. CPJ to Honor Five Journalists, CPJ International Press Freedom Awards, 2007
  3. Муратов, Дмитрий. Главный редактор "Новой газеты". In: Lenta.ru. Afropen an’n 31. Juli 2021 (russ’sch).
  4. Golden Pen of Freedom Awarded to Novaya Gazeta Editor, Dmitry Muratov - WAN-IFRA. WAN-IFRA. Afropen an’n 13. Dezember 2019.
  5. «Мы глубоко возмущены, что диалогу с обществом власть предпочитает насилие». In: Echo Moskwy. 11. September 2020, afropen an’n 31. Juli 2021 (russ’sch).
  6. The Nobel Peace Prize 2021. In: nobelprize.org, 8. Oktober 2021 (afropen an’n 8. Oktober 2021).
  7. Christian Esch: Friedensnobelpreisträger Dmitrij Muratow im Interview: »Wir vergessen nichts«. In: Der Spiegel. 10. Oktober 2021, ISSN 2195-1349 (spiegel.de [afropen an’n 10. Oktober 2021]).