Diskuschoon:Rätzen

Wi hebbt dat op meisten Sieten bit nu Uelzen schreven. Meenst nich, wi schülln dat hier ok so hollen? --Iwoelbern 23:00, 13. Apr. 2008 (CEST)

Dat Thema harrn wi ja al mal: Wikipedia:Mi fehlt dat Woort#Öörd mit Ümluden. Harr ik dor nich so direkt schreven, aver ik bün egentlich för Ümluden. Wat Heiko seggt, mit de twee Ümluden so as bi Üür, dat hett ja wat för sik. Ueuer sütt op jeden Fall gresig ut ;-) Good, ik geev to, kunn een ok Uehr för schrieven, denn sütt dat enigermaten ut, aver wat schall dat överhaupt mit dat Oplösen vun Ümluden? Maakt för mi keen Sinn, denn de Öörd warrt mit Ümluud spraken. Kannst blot mit de Wöör dörenanner bringen, de keen Ümluud hebbt, so as Oer-Erkenschwick. Wat du seggst, mit vun wegen Egennaam övertüügt mi nich so. De hoochdüütsche Egennaam (oder beter seggt Egenschrievwies, denn de Naam ännert sik ja noch nichmal) hett ja nich mehr Weert as en plattdüütschen Egennaam. Egennaam mag ik blot gellen laten, wenn dat en Text gifft, in den de Stadt (oder mientwegen ok de Kreis) sik ganz offiziell sülvst Uelzen nöömt (in en plattdüütschen Text, versteiht sik). Mi dücht, wi schullen disse Schrievwies-Spijöken nich mitmaken. Wenn annere dat anners seht, kann ik tor Noot aver ok mit Uelzen leven... (nech, in'e Noot fritt de Düvel Flegen :-) ) --::Slomox:: >< 00:24, 14. Apr. 2008 (CEST)

Villicht schülln wi eenfach mol de Lüüd ut'n Kreis fragen, woans se dat op Platt schrievt - de schülln dat jo an sik an'n besten weten. Sass schrifft ok Ue, dorna schient mi dat begäng to wesen. Nu gifft dat in'n Sass ok woll ok af un an Saken, de ik nich so recht glöven müch, aver hier schient mi dat doch anbrocht. Ik weet nich, woneem dat Ue herkummt oder wokeen dormit anfungen is, dat so to schrieven. Man jichtens mutt sik een wat dorbi dacht hebben, dat he Ue un nich Ü schreven hett. Dat Argument mit de twee Ümluden achter'nanner laat ik woll gellen, man in Uelzen hebbt wi blots een. Wobi mi jüst wat in'n Kopp kummt... Nadem ik jüst de Uhlenköper-Geschicht op de:WP leest heff, schient dat jo dorvun hertokamen. Mag dat villicht wesen, dat dat fröher mol Uulzen heten hett un dat e blots en Dehnungs-e wesen is? An sik müss man dat Ü ah dubbelten Konsonant jo utsnacken as in Füer, aver warrt jo utsnackt as in Gülle. Künn dat dormit wat to doon hebben? --Iwoelbern 01:13, 14. Apr. 2008 (CEST)

Nee, de Uhlenköper-Geschicht is jo keen volksetymoloogsche Geschicht to'n Naam, dat is en Geschicht to'n Oortsökelnaam. To verglieken mit de Stumpelduums un Langslapers in Elljeroe un Hüttenroe.

To de Etymologie steiht hier wat: Aufgrund der alten Belege ist nicht ganz sicher, ob man im zweiten Teil des Ortsnamens ursprünglich -husen (niederdeutsch: "bei den Häusern") oder aber -hem "Heim, Siedlung" annehmen soll. Die Überlieferung schwankt: 973 (Abschr. 16. Jh.) Vllessen (Urkunde Ottos II.),1006 Ullishusun, 1142 Ullesheim usw. Im ersten Teil des Ortsnamens steckt wahrscheinlich ein alter Personenname: Odal-, der auch in Ulrich vorliegt und zu althochdeutsch uodal, altsächsisch ôdhil, altenglisch ôþel ("Erbgut, Heimat") gehört. Der Ortname kann somit als "Siedlung des Odal" aufgefasst werden. Un dor sütt een ok, wo dat korte as as in Gülle her kummt. Üllzen, nich Üülzen. Kene Dehnung, blot en rein, kort u, dat ümluudt worrn is. --::Slomox:: >< 01:30, 14. Apr. 2008 (CEST)