Diskuschoon:Ontologie

Hett dat Bild in dissen Artikel wat besünners to bedüden? Ik verstah dat nich. De Dreeenigkeit kummt kort in'n Artikel vör (De Wohrheit lett sik finnen in de Welt, dat Wesen an sik hett Sporen achterlaten in dat, wat wi faten könnt. (vgl. Augustinus: „vestigia trinitatis“- Sporen vun de Dreeenigkeit).), aver dat hett ja nu man würklich blot marginal mit dat Thema to doon. Oder doch? --::Slomox:: >< 09:03, 5. Dez 2008 (CET)

Na, to'n Eersten: Ik hebb dat Bild eenfach ut WP:de övernahmen. Denn avers ok: Dat steiht hier ja in'n Tosamenhang mit de Ontologie in Thomas vun Aquin siene Tieden, sünnerlich mit dat Ut'neenfallen vun schiere Metaphysik (= Theologie etc.) un algemeene Metaphysik (= Ontologie). Denn weer dat so to seggen een Bild ut de Geschicht vun düt Woort un vun dat, wat dor mit meent is.--Bolingbroke 16:37, 5. Dez 2008 (CET)

Ik kenn vun de hoge Philosophie nich veel af. Ik kann nich seggen, ob dat Bild passt. Aver tominnst weer dat schöön, wenn dor en lütten Text bistünn, de den Tosamenhang vun Bild un Text en beten wiest. (disse Artikel steiht nämlich op Wikipedia:WikiProject Check Wikipedia bi de Artikels, mit Biller ahn Text) --::Slomox:: >< 16:56, 5. Dez 2008 (CET)