Diskuschoon:Anborene Smartunfienföhligkeit mit Anhidroos

Woans du op de Översetten kamen büst, musst du aver mol verkloren... --Iwoelbern ✍ 19:36, 6. Jul. 2011 (CEST)

Na, dör stünn nu vele Varianten apen, man ik wull de klaarste nahmen. To de Utwahl stunnen noch: ereditäre sensoorsche und autonome Neuropathie Typ IV as in't Düütsche, kongenitale Unfienföhligkeit för Smart un Anhidroos oder Anborene Unfienföhligkeit för Smart un Anhidroos. Ik funn nu, dat de jetzige Naam an'n besten klingt. Nich unnödig vele Wöör un ok keen Medizinsnack man eenfach nur, wat dör vörkümmt bi de Süük. Wenn ji nich övereens sünd, is dat ok keen Probleem, dat schallt ja man blots en Beginn ween. Zylbath ✍ 19:42, 6. Jul. 2011 (CEST)

Dat Woort Smart weer mi nich bekannt. Heff ik nu aver nakeken... Mag för den Artikel so gahn, aver bi de Infobox bün ik mi nich seker. Dor steiht Klassifikatschoon na ICD-10 baven över. In de ICD-10 steiht de Beteken so wiss nich binnen. Vun dorher weet ik nicht... --Iwoelbern ✍ 19:49, 6. Jul. 2011 (CEST)

Wat is denn dien Woort dörför? Pien? Ja, dör hest du egentlich recht, dat de Översetten dör so nich binnen steiht. Ik nahm mal de Box rut. ;) Danke Zylbath ✍ 19:52, 6. Jul. 2011 (CEST)

Pien seggt mi al mehr. Tohuus hebbt wi meist blots vun Wehdaag snackt. --Iwoelbern ✍ 19:55, 6. Jul. 2011 (CEST)