Diskuschoon:Å

Mit den Inholt bün ik so nich inverstahn. To'n eersten schall en Artikel dat Lemma verkloren. Wat disse Text nich oder tomindst blots to'n lütten Deel deit. Wenn en sik mol den hoochdüütschen Artikel ankieken deit, warrt teemlich gau klor, wat ik meen. To'n tweeten warrt seggt "grode Orthographie-Striet" oder "Masse Lüüd bi de Plattdüütschen"... jo? Ist dat wohr? Oder is dormit meent, Masse Lüüd vun de Minschen de in Rebeden leeft, wo dat begäng is? Goot, ik bün keen Sprakenkunnigen, aver vun en Orthografie-Striet heff ik noch nix höört, vun en groden al lang nich. Un ok nich, dat 'n Masse Lüüd för dat Å sünd. Dat is mien Ansicht na POV.

Mag wesen, dat en Diskusschoon dorüm besteiht - aver dat is denn mit enkelte Nawiesen to beleggen. Avr denn ok vun all Standpunkten, nicht blots vun een. De Literaturangaav is ok nich vullstännig: dor höört dat Johr, de Verlag un an'n besten ok de ISBN-Tall dorto. Un bestenfalls schüll disse Diskusschoon en Afsnitt vun en Artikel wesen, un nich de eenzige Inholt vun en Artikel. --Iwoelbern ✍ 16:01, 11. Jun. 2010 (CEST)

Dat gifft keen "groten Stried" ("Flamen vs. Wallonen" dee ik as "groten Stried" ansehn), aver dat gifft tominnst en gröttere Grupp Lüüd, de dat Å hebben wüllt un ok bruukt. Na mien Gissen möögt dat villicht 5% von de modeernen plattdüütschen Schrievers wesen, aver disse Schrievers kaamt ut all Ecken von Plattdüütschland, nich blot von de skandinaavsche Grenz. --::Slomox:: >< 16:43, 11. Jun. 2010 (CEST)

Na Utkunft van Snorre Björkson (He is bi de Freudenthal-Jury) bünd bi de Freudenthal-Pries tominnst 10% van de Texten met een å schreven. Bi Böker is dat minner, wiel sik de meersten Utgevers dat neet truut un denn de Schrievwies van de Lüüd ännern doot. Ik heff "groden Stried" un "Masse Lüüd" nu sülvst ännert. Marieke