Digital Signalperzesser
En digitalen Signalperzesser (afkörtt as DSP, Ingelsch: digital signal processor) is en Mikroperzesser, de speziell för dat Verarbeiden vun digitalen Signalen in Echttiet maakt is.
Dat heet, he is so optimeert, dat he spezielle mathemaatsche Formeln gau utreken kann. Blots för normale Saken lett sik so een Perzesser nich goot bruken. Fröher, as de Perzessers noch nich so gau weern, weern solke Perzessers för spezielle Opgaven heel wichtig.
De Ideen vun de Signalperzessers hebbt denn op moderne (allgemeine) Mikroperzessers inwarkt, un so hebbt moderne Perzessers faken ok de Hardware, de se bruukt, üm digitale Signalen gau to verarbeiden. So sünd spezielle Signalperzessers vundaag nich mehr so wichtig.