David Cox (Maler)

Vun Wikipedia
William Radclyffe: David Cox, Ööl up Lienwand, um 1830

David Cox (* 29. April 1783 in Birmingham; † 7. Juni 1859 in Harbourne bi Birmingham) weer en engelsch Maler.

Leven un Wark[ännern | Bornkood ännern]

David Cox weer de Söhn vun en Schmeed ut Birmingham. 1803 gun ge nah London un hett dor as Kulissenmaler an dat Astley-Theater arbeit un studeer nebenbi ünner John Varley Aquarellmaleree.

Twee Johr later kreeg he en Lehrstohl an de Royal Academy of Arts un hett eenige Böker över de Aquarell- un Landschapsmaleree schreven. Sluutend wurr he to'n Liddmaat vun de Society of Painters in Water Colours wählt. 1826 gung he up Studienreis in de Nedderlannen, Belgien un Frankriek.

Verscheeden Aquarelle vun David Cox befinnen sück in de Lady Lever Art Gallery, Port Sunlight, Merseyside, England. De Warken wurrn vun den Grünner vun dat Museum, den Viscount Leverhulme, in' Kunsthannel köfft. Dorvan sünd aber eenige intüschen as Fälschungen identifizeert.

David Cox, nömmt de Öllere, hörr to de bedüüdenst engelsch Landschapsmaler un weer Paddmaker vun den Impressionismus. Sien Söhn David (1809−1885), ut de Ehe mit Mary Agg, weer ebenfalls Maler.

Literatur[ännern | Bornkood ännern]

  • David Cox: Treatise an Landscape Painting and Effect in Water-colours, (1813)
  • David Cox: A series of progressive lessons intended to elucidate the art of painting in water colours, (1845)

Weblenken[ännern | Bornkood ännern]

David Cox (artist). Mehr Biller, Videos oder Audiodateien to’t Thema gifft dat bi Wikimedia Commons.