Costante Girardengo

Vun Wikipedia
Costante Girardengo

Costante Girardengo (* 18. März 1893 in Novi Ligure; † 9. Februar 1978 in Cassano Spinola) weer en italieensch Radrennfohrer.

He hett tweemal den Giro d’Italia, söösmal Mailand–Sanremo un dreemal de Lombardei-Rundfohrt wunnen. He kreeg as eerst Radrennfohrer den Ehrentitel Campionissimo un kann as de eerste Star in de Historie vun den Radsport betekent weern.

Biographisches[ännern | Bornkood ännern]

Karrierestart[ännern | Bornkood ännern]

As Girardengo 1912 Profi wurr, kunn seker noch nümms ahnen, dat hier de eerste groot Serienwinner vun den Radsport de Bühn betreden harr, ok wenn Platz 9 bi de bannig swoor Lomabrdei-Rundfohrt in sien Debütjahr upfhorchen leet.

Doch all in dat nächst Johr wurr sien Klasse düütlich. He kunn dat eerste Mal (vun insgesamt negen Mal) den italieenschen Meestertitel in’t Straatenrennen winnen – woll all dormals de mit Sekerheit an‘ meesten umkämpt natschonal Titel in‘ Radsport. Buterdem gelung hüm en Deelstrecken sieg un de sösste Gesamtrang bi den Giro d’Italia as ok en Sieg bi dat banning lang Eendagsrennen Rom-Neapel-Rom.

In dat Folgejohr 1914 wurr he weer italiensch Straatenmeester un wunn ok weer en Deelstreck bi den Giro: den längsten dor jemals utfohren Dagafsnitt vun Lucca nah Rom över 430 Kilometer.

Sien Karriere weer man noch gar nich richtig in Gang, dor weer de ok all weer dör den Eersten Weltkrieg ünnerbraken. De Giro un de meest anner Rennen sünd in de Johren 1915 bit 1918 utfallen un Girardengo harr wohrschienlich noch mehr groot Rennen wunnen.

Al de Rennbedriev 1917 langsam weer in Gang keem, hett Girardengo wat an Tiet bruukt, um weer ganz vörn to ween. So weer woll sien best Resultat de tweete Platz bi dat Rennen Mailand–Sanremo, de aberok andüüden dee, wat Girardengo berühmt weern laaten sull: een Johr later hett he dor bi de so nömmt Classicissima, den eersten vun insgesamt söss Siegen halt, en Rekord, de erst fieftig Johr later vun den gröttsten Radfohrer vun all Tieden, Eddy Merckx, överdrapen wurrn kunn.

Dat Dröömjohr[ännern | Bornkood ännern]

Dat Johr 1919 leep för hüm spoodriek mit: Girardengo wunn to’n darten Mal de italieensch Straatenmeesterschap un dormineer den Giro d’Italia vun de eerst bit to de letzt Deelstreck in dat rosa Trikot mit söben Etappensiegen. In‘ Harvst wunn he dorto noch den tweeten italieenschen Klassiker, de Lombardei-Rundfohrt.

Disse Dominanz hull aber in den Umfang nich an. He wunn woll de italiensch Straatenmeesterschapen ahn Ünnerbreken bit 1925 un hett ok anner wichtig Klassiker wunnen, muss aber bi de folgend dree Giri d’Italia jeweils vör de Tiet upgeeven (up de tweet, fieft un veert Deelstreck) uf der zweiten, fünften und vierten Etappe) un dat, nahdem he bi den Giro 1921 de eerst veer Deelstrecken wunnen harr.

De tweete Girosieg[ännern | Bornkood ännern]

1923 keem he aber weer torüch. All in dat Fröhjohr weer he to’n darten Mal bi Mailand-San Remo spoodriek un funn in‘ Giro sien Form van 1919 weer – Gesamtsieg un acht Deelstreckensiege hett he schafft.

Nah en för sien Verhältnisse unupfällig Johr 1924 wurr 1925 dat letzt groot Johr vun Girardengo: Sien negent natschonal Meestertitel, de veerte Sieg bi Mailand-San Remo un Platz 2 achter den kommenden Star Alfredo Binda bi den Giro mit söss Deelstreckensiegen, hebbt upwiest, dat he ok noch mit 32 Johr to groot Leistungen fähig weer.

De Aflöösen[ännern | Bornkood ännern]

1926 keem de Wennen in sien Karriere: Nah den fievten Sieg bi Mailand-San Remo wurr he bi de italieensch Straatenmeesterschapen nah söben Johr eerstmals weer slahn un keem up Platz 2 – weer achter Alfredo Binda, de hüm nu den Rang afloopen harr.

1927 bi de Straaten-Weltmeesterschap up den Nürburgring in Düütschland wurr he weer vun Binda slahn. Een Sieg kunn he in dat Johr verteken, un dat bi dat Tandemrennen bi dat Mailänder Sössdaagrennen tosommen mit Binda.

Girardengo weer noch negen Johr lang Profi, kunn aber mit toletzt 35 Johren nich mehr mit de jung Spitzenfohrer Träe hollen. Lediglich de sösste Sieg 1927 bi dat Rennen Mailand-San wies noch mal sien Klasse.

In‘ Mai 1936 (un dormit twee Maand nah Alfredo Binda!) hett he sien aktiv Sportlerloopbahn beend.

Nah dat Karriereenn‘[ännern | Bornkood ännern]

Nah dat Enn‘ vun Karriere hett he in sien Heimatoort Alessandria de Radmarke GIRARDENGO grünnd, de (as dormals begäng) ok en eegen Profi-Rennstall ünnerhollen de un deren sportlich Leiter Costante weer. För dat Team is ünner annern de dreemalig Weltmeester Rik Van Steenbergen fohren, de 15 Deelstreckensiege bi den Giro halen kunn un somit ok för dat italieensch Team bannig interessant wer: 1951 keem he sogor up den tweeten Platz in dat Gesamtklassement.

Il Bandito e il Campione[ännern | Bornkood ännern]

En wohr un tragisch Geschichte ut disse Tiet dreiht sück um de Früendschap vun Girardengo to en vun de bekanntesten Banditen vun Italien to de Tiet: Sante Pollastri, de en bannig grooten Fan vun Girardengo weer. Hüm gelung dat immer, för de Polizeit uttorieten. Eerst as en Polizist sien Verehrung för den Radprofi spitz kreegen harr, gelung dat, Sante Pollastri bi en Rennen dicht bi de Teeldörfohrt fasttonehmen, wo he up de Ankunft vun sien Früend töven dee. So wurr Sante sien Begeisterung för de Triumphe vun sien Früend to’n Verhängnis.

Vun den italieensch Musiker Francesco De Gregori wurr de Geschichte in sien Leed Il Bandito e il Campione, Text un Musik vun Luigi Grechi (Künstlernaam vun Luigi De Gregori, den Bröer vun Francesco), vun dat glieknamig Album (1992/1993) upgreepen, de Refrain geiht so:

Vai Girardengo vai grande campione
Nessuno ti segue su quello stradone
Vai Girardengo non si vede più Sante
È dietro a quella curva è sempre più distante
Fohr Girardengo, fohr groot Champion
Nümms folgt die up disse Straat
Fohr Girardengo, Sante sütt man nich mehr
He is achter disse Kurv, he is immer wieder wegt

Palmarès (Uttoog)[ännern | Bornkood ännern]

Weblenken[ännern | Bornkood ännern]