Corky Cornelius
Edward „Corky“ Cornelius (* 3. Dezember 1914 in Hoosier County, Indiana; † 3. August 1943) weer en US-amerikaansch Jazz-Trompeter.
Cornelius sien Vader weer Slagtüüchspeler, de in Danzbands in Texas spelen dee. He is in Binghamton (New York) upwussen un fung sien Loopbahn Anfang vun de 1930er Johren in de Orchesters vun Les Brown, Frank Dailey un Buddy Rogers an. Anfang 1939 wurr he Liddmaat in de Band vun Benny Goodman, in de ok de Slagtüüchspeler Gene Krupa speel. As de sien eegen Band upstellen de, is hüm Cornelius folgt. Dor hett he de Singersche Irene Daye kennen lehrt, de he bald heiraadt hett un mit de he denn een Dochter, Corine, harr. Daye sülvst harr mit de Band vun Krupa Band Hits as „Drum Boogie“ un „Drummin' Man“. Corky Cornelius speel van 1941 bit 1943 in dat Casa Loma Orchestra, bit he unverwacht an Nierenverseggen storven is.