Coelestin I.

Vun Wikipedia
Coelestin I. (Phantasiedorstellen)

De hillige Coelestin I. († 27. Juli 432) weer van' 10. September 422 bit to sien Dood Paapst un Bischop vun Rom. He tellt to de Hilligen un hett de karklich Lehre vun Maria as Goddesgebärerin nahhollen fördert. Sien Naam bedüüd: de Himmlische (latiensch).

Leven un Wark[ännern | Bornkood ännern]

Coelestin I. weer vör sien Wahl to'n Paapst Diakon in Rom. Sien gesamte Amtstiet över hett he versöcht, in Fragen vun de Jurisdiktschoon dat röömsch Appellatschonsrecht gegenöver de noordafrikaansch Karken dörtosetten; wat he aber nich schafft hett. De Konflikt wurr in' Wesentlichen dordör afslooten, dat de Vandalen Noordafrika erobern deen. Bischop Augustinus von Hippo kreeg vun hüm Ünnerstütten gegen den Semipelagianismus.

In' Striet mit Nestorius un de sien Anhänger hett sück Bischop Kyrill vun Alexandria an Coelestin wend, de in' August 430 up en röömsch Synode de Lehre vun den Nestorius aflehnen un hüm mit de Exkommunikatschoon drohen dee. Dat Konzil vun Ephesos, Enn' Juni 431, up de Coelestin sien dree Legaten nah hör Indrapen präsideeren dee, hett den Nestorianismus ebenfalls mit utdrücklich Tostimmen vun den Paapst veroordeelt.

Öldste bekannte Krüüzigungsdorstellen vun Christi, an de röömsch Kark Santa Sabina, fertigt to de Tiet vun Paapst Coelestin I.

Coelestin hett sück Verdeensten erwurben in den Beriek vun de Mission (ok vun de binnerkarklich). Wiel sück de Pelagianismus intüschen ok nah Britannien utdehnt harr, hett he 429 Bischop Germanus vun Auxerre in de nördliche Provinz schickt. Twee Johr later wurr de dormalige Diakon Palladius to Mission in dat heidnisch Irland entsandt un to'n Missionsbischop nömmt. Vun Coelestin sünd 16 Breef överleefert wurrn. Coelestin I. weer en Vertreder vun de karklich Primatsidee, wenn ok besünners in Afrika wenig spoodriek.

Ünner Paapst Coelestin I. wurr de berühmt röömsch Kark Santa Sabina baut, de noch en Zedernholtdöör ut sien Doodsjohr 432, mit de öldste bekannt Dorstellen vun den krüüzigten Christus upwiest.

Gedenkdaag[ännern | Bornkood ännern]

  • kathoolsch: 27. Juli
  • orthodox: 8. April

Literatur[ännern | Bornkood ännern]

  • Welchering: Zwischen Christologie und Kirchenpolitik. Eine Untersuchung der Briefe von Papst Coelestin I. und der an ihn gerichteten Schreiben im Vorfeld des ephesinischen Konziles, in: Ders., Die theologische Brücke (= Pons theologiae; 1), München 2009. ISBN 3-89975-929-X
  • Friedrich Wilhelm Bautz: Coelestin I.. In: Biographisch-Bibliographisches Kirchenlexikon (BBKL). Band 1, Bautz, Hamm 1975. 2., unverännert Uplaag Hamm 1990, ISBN 3-88309-013-1, Sp. 1077 .
  • Indrag in de Catholic Encyclopedia, Robert Appleton Company, New York 1913 (engelsch)

Weblenken[ännern | Bornkood ännern]

Coelestin I.. Mehr Biller, Videos oder Audiodateien to’t Thema gifft dat bi Wikimedia Commons.
Vörgänger Amt Nafolger
Bonifatius I. Paapst
422 - 432
Sixtus III.