Bonifatius I.

Bonifatius I. (Phantasiedorstellen üm un bi 1600)

Bonifatius I. (Phantasiedorstellen in de Kark San Paolo fuori le mura in Rom)

Bonifatius I. († 4. September 422 in Rom) weer van' 29. Dezember 418 bit to sien Dood Paapst in Rom. De Naam vun sien Vader weer Jocundus oder Secundius.

Leven

De all olt un kränkliche Presbyter Bonifatius wurr gemeensam mit den Archidiakon Eulalius an' 28. Dezember wählt; Bonifatius vun de Presbyter un Eulalius vun de Diakonenpartei, de wurr aber in' März/April 419 verbannt, un Bonifatius wurr dör Kaiser Honorius to'n rechtmäßigen Paapst nömmt.

He hett versöcht, den störten Karkenfreeden weer hertostellen, un hett Befugnisse, de sien Vörgänger Paapst Zosimus den Oortsbischöpen vun Gallien tobilligt harr, weer torüchnommen. Aber ok he kunn den Konflikt mit de noordafrikaansch Kark in' Appellatschonsstriet nich bileggen.

As Kaiser Theodosius II. in dat Johr 421 Illyricum ünner de Jurisdiktschoon vun den Patriarchen vun Konstantinopel stell, hett Bonifatius mit Hülp vun den Kaiser Honorius en Rücknahm vun den Erlass henkregen. Mit den befrüend Augustinus hett he gegen den Pelagianismus kämpt.

De eerste (kaiserliche) Paapstwahlordnung, dat tokünftig bi uneendüüdig oder zwiespältig Paapstwahl en Neewahl dör den röömschen Klerus stattfinnen muss, bleev aber ahn wiedere praktisch Bedüüden.

Sien Naam bedüüd up latiensch: de Wohltäter. Sien kathoolsch Gedenkdag is de 25. Oktober.

Literatur

• Friedrich Wilhelm Bautz: Bonifatius I. In: Biographisch-Bibliographisches Kirchenlexikon (BBKL). Band 1, Bautz, Hamm 1975. 2., unverännert Uplaag Hamm 1990, ISBN 3-88309-013-1, Sp. 687–688.

Weblenken

Bonifatius I.. Mehr Biller, Videos oder Audiodateien to’t Thema gifft dat bi Wikimedia Commons.

• Ökumenisches Heiligenlexikon
• Indrag in de Catholic Encyclopedia, Robert Appleton Company, New York 1913 (engelsch)
• Gesamtwark vun Migne Patrologia Latina mit Inholtsverteken
• DNB-Katalog
• Personennaamdatei

Vörgänger	Amt	Nafolger
Zosimus	Paapst 418 - 422	Coelestin I.