Claus Benedict von der Decken
Claus Benedict von der Decken (* 18. November 1704 in Riddershusen; † 9. Mai 1775 in Balje) weer Drost un Landraad in dat Hertogdom Bremen-Veern.
Von der Decken is 1704 as Söhn von Claus un Margarethe Maria von der Decken in Riddershusen bi Balje boren. Em hebbt de Göder Riddershusen un Feldhoff tohöört.
He hett an’n 16. August 1739 in Kumbarg Sophia Juliane von Bremer (1715–1749; Dochter von Benedix Georg Bremer) freet, mit de he de Söhns Claus (5. Januar 1742–10. Juli 1826) un Heinrich Alexander Wilhelm (1. Oktober 1749–13. Januar 1813) harr. Nadem Sophia Juliane 1749 doodbleven is, hett he an’n 2. Dezember 1753 Christine Charlotte von der Decken freet. Mit ehr harr he de Dochter Hedwig Elise von der Decken (* 25. Juni 1759).[1]
