Christina Bührmann

Vun Wikipedia

Christina Bührmann (* 13. Dezember 1945 in Schafstädt) is en düütsche Politikerin von de SPD.

Bührmann is 1945 in Schafstädt boren. Na de School hett se en Lehr as Speditschoonskoopfro maakt. Op’n tweten Bildungsweg hett se dat Abitur nahaalt un denn Sozialwetenschoppen studeert. Na dat Studium hett se an de Universität Bremen un an dat Wetenschopszentrum Berlin för Sozialforschung arbeidt.

Bührmann is 1972 in de SPD rin. Se weer von 1986 bet 1996 Afornte in’n Kreisdag von’n Landkreis Veern. Von 1990 bet 2008 (12. bet 15. Wahlperiood) weer se Maat von’n Landdag von Neddersassen. In de 12. bet 14. is se in Wahlkreis Veern direkt wählt worrn, in de 15. Wahlperiood is se över de Landslist in’n Landdag intagen. Se weer von 1994 bet 1998 Froonministerin von Neddersassen in dat Kabinett Schröder II.Vör ehr weer dat Waltraud Schoppe un na ehr keem Heidrun Merk. Von 1995 bet 1997 weer se in’n Utschuss von de Regionen von de Europääsche Union.

Bührmann is Maat von ver.di un de Arbeiderwollfohrt. Se is verheiraadt un hett een Kind.