Chilgol-Kark

De Chilgol-Kark is en protestantsche Kark in de Stadt Pjöngjang in Noordkorea. De Kark is ut Backsteen un 1992 boot worrn. Binnen Pjöngjang liggt de Kark in de Naverschop Chilgol in’n Stadtdeel Mangyongdae.

Dat is een von man veer christliche Karken, de dat in Noordkorea gifft. De Kark steiht an de sülve Steed, an de de presbytersche Kark stahn hett, de Kim Il-sung as Kind mit sien Moder Kang Ban-sok besöcht hett.