Carl Franz Heinrich Wilhelm Wehner

Carl Franz Heinrich Wilhelm Wehner (* in Hannover; † 30. Oktober 1863 ok dor) weer en düütschen Verwaltungsbeamten.

Wehner is in Hannover boren. He hett 1807 anfungen, an de Universität Göttingen Juristeree to studeren. 1808 is he dor Maat von de Landsmannschaft Hannovera worrn un weer an’n 18. Januar 1809 Mitgrünner von dat Corps Hannovera Göttingen. Na de Schandarmen-Affäär is he Enn August 1809 as Mitünnerschriever von de „Verrufsliste“ beleggt un denn an de Universität Heidelberg wesselt. Dor weer he toeerst Maat von’n Clubb Hannovera Heidelberg un in’n März 1810 Mitgrünner von dat Corps Hannovera Heidelberg. In de Freeheitskriege weer he von 1813 bet 1815 Soldaat. Na dissen Krieg güng he in’n Verwaltungsdeenst von dat Königriek Hannover. He is 1818 Amtsassesser bi dat Amt Deefholt worrn, 1819 bi dat Gogericht Achem, 1821 bi dat Amt Langenhagen un 1826 bi dat Amt Beers. 1840 kreeg he den Posten as Amtmann von dat Vaagdiegericht Land Wusten in Dorum un weer von 1845 bet 1852 Amtmann von dat Amt Uchte.

Wehner hett 1833 Eleonore Margarethe Chappuzeau (borene Kern; Dochter von’n Ülzener Börgermeester Gottfried Ludwig Kern un Weetfro von Christoph Wilhelm Chappuzeau) freet.