Christoph Wilhelm Chappuzeau
Christoph Wilhelm Chappuzeau (* 1776 in Loonborg; † 1825) weer en düütschen Verwaltungsbeamten.
Chappuzeau is 1776 as Söhn von Marie Juliane Philippine, borene Kaufmann (1744–1790), un den Beamten Jonas Christian Hermann Chappuzeau (1727–1785) in Loonborg boren. De Familie weren Hugenotten, de op Samuel Chappuzeau trügggaht. Sien Broder weer Rudolf Georg Christian Chappuzeau. He hett sik an’n 21. Oktober 1794 as Student von de Juristeree an de Universität Göttingen inschreven. Na dat Studium is he 1798 Auditer worrn un 1802/1803 Amtsschriever bi de Stadtvaagdie Hannover. Chappuzeau weer von 1814 af an Amtsassesser bi dat Amt Beers un von 1822 bet to sien Dood 1825 dor Titulär-Amtmann.
He hett 1811 Eleonore Margarethe Kern (Dochter von’n Ülzener Börgermeester Gottfried Ludwig Kern) freet. De beiden harrn fiev Kinner, ünner annern Georg Burchard (27. April 1815–10. September 1877) un Therese Henriette Charlotte Theodore (8. Mai 1822–29. Mai 1898), de mit den Amtsrichter Wilhelm Diedrich Adickes verheiraadt un de Moder von Franz un Erich Adickes weer.
