Carl Ahues

Vun Wikipedia
Wesseln na: Navigatschoon, Söök

Carl Oscar Ahues (* 26. Dezember 1883 in Bremen; † 31. Dezember 1968 in Hamborg) weer en düütsch Schachmeester.

Tiet in Berlin[ännern | Bornkood ännern]

Ahues fung eerst mit 18 Johr mit dat Schachspelen an. 1907 truck he nach Berlin. Hier wurr he Liddmaat vun de Berliner Schachgesellschaft. 1910 wurr he in Hamborg in dat internatschonal Hööftturnier bi den Kongress vun den Düütschen Schachbund (also Meesterschap) Dart. 1911 wunn Ahues de Berliner Meesterschap.

In' Eersten Weltkrieg deen he as Suldat un keem in rumäänsch Fangenschap bit 1919.

1920 wunn he bi den 20. Kongress vun den Düütschen Schachbund dat Hööftturnier, wat hüm de Meesterwürde inbroch. Tüschen 1921 un 1953 hett he negen Mal an Düütsch Meesterschapen deelnommen. Dorbi weer sien beste Spood 1929, as he in Duisborg „Meister von Deutschland“ wurr, vör Paul Saladin Leonhardt un Friedrich Sämisch.[1]

1927 in Meideborg weer he mit Sämisch deelt Fievt (Rudolf Spielmann wunn de Meesterschap).[2] 1935 reck he in Aken en deelten tweeten Platz achter Kurt Richter.[3] Ahues deel sück en Schachturnier in Berlin mit Spielmann un Ernst Grünfeld Platz dree. 1927 in Bad Niendorf keem he up den veerten Platz[4] un 1929 in Venedig up den tweeten Platz. Sien woll gröttste Spood weer de darte Platz 1936 in Bad Nauheim achter Alexander Aljechin, Paul Keres un vör Efim Bogoljubow.[5]

Ahues hett an dree Schacholympiaden (1930, 1931 un 1936) deelnommen un jedes Mal mit en positiv Ergevnis. [6] un [7]. Mit de Mannschap reck he dorbi 1930 un 1936 den darten Platz.

Tiet in Sleswig-Holsteen[ännern | Bornkood ännern]

Nah dat Enn' vun den Tweeten Weltkrieg is Ahues nah Sleswig-Holsteen trucken un leev toletzt in Hamborg. He hett sück an völ westdüütsch Turnieren bedeeligt, as 1946 in Bad Harzburg, wo he Sieger wurr.[8] In dat Öller vun 70 Johren speel he 1953 bi de gesamtdüütsch Meesterschap in Leipzig, de Wolfgang Unzicker nah en Steekkamp mit Ludwig Schmitt wunn, un reck Platz 4 bit 7.[9] Mit den Hamburger SK wurr Ahues 1958 düütsch Mannschapsmeester.

De Weltschachbund FIDE hett hüm 1950 den neuschafft Titel Internatschonaler Meester tospraaken.[10]

Mit 81 Jahren wunn he noch de Hamborger Blitzmeesterschap, in' September 1968 wurr he Klubmeester.

Sien best historsch Elo-Tall weer 2651. De hett he in' Januar 1931 raakt.

Privates[ännern | Bornkood ännern]

Ahues weer en „überzeugter Vegetarier.“[11] Sien Söhn Herbert Ahues is Grootmeester för Schachkompositschonen.

Enkeld Nahwiesen[ännern | Bornkood ännern]

  1. Deutsche Einzelmeisterschaft 1929 in Duisburg up TeleSchach (Tabelle un Partien)
  2. Deutsche Schacheinzelmeisterschaft 1927 in Magdeburg up TeleSchach (Krüüztabell un Partien)
  3. Deutsche Schacheinzelmeisterschaft 1935 in Aachen up TeleSchach (Tabell un Partien)
  4. Schachturnier in Bad Niendorf
  5. Das Internationale Turnier 1936 in Bad Nauheim up TeleSchach (Krüüztabell un Partien)
  6. Carl Ahues sien Ergevnisse bi Schacholympiaden up olimpbase (engelsch)
  7. Carl Ahues sien Ergevnisse bi inoffiziellen Schacholympiaden upolimpbase (engelsch)
  8. Das Schachturnier 1946 in Bad Harzburg up TeleSchach (Krüüztabell un Partien)
  9. SCHACH 17/1956, 1. Septemberheft, S. 272
  10. Willy Iclicki: FIDE Golden book 1924-2002. Euroadria, Slovenia, 2002, S. 87
  11. Carl Ahues gewann Stichkampf! In: Deutsche Schachzeitung Nr.12 1968, S. 411

Weblenken[ännern | Bornkood ännern]