C/2012 S1 (ISON)

Vun Wikipedia
Wesseln na: Navigatschoon, Söök
C/2012 S1 (ISON)
Comet ISON by Hubble on 8 May 2013 (STScI-PRC2013-24).jpg
Egenschoppen vun’n Orbit
(Simulatschoon)
Orbitklass hyperbolisch
Perihel — Aphel 0,012 — AE
Bahnexzentrizität 1
Bahnnegen gegen de Ekliptik 61,8 °
Physikaalsch Egenschoppen
Periheldörgang 28. November 2013
Historie
opdeckt vun Witali Newski, Artjom Nowitschonok
an’n 21. September 2012
in International Scientific Optical Network (ISON)

C/2012 S1 (ISON) weer en Komet, de in’n September 2012 opdeckt worrn is un an’n 28. November 2013 teemlich dicht an de Sünn vörbi flagen is. De Afstand vun de Sünn weer ruchweg 0,012 AE – dat is ruchweg een Sünndörmeter. Dormit höört C/2012 S1 (ISON) to de so nöömten Sünnstriepers, is aver keen Fragent ut de Kreutz-Grupp. Dat is antonehmen, dat de Komet ut de Oortsche Wulk stammt. Bi sien Periheldörgang is de Komet wohrschienlich dör de hogen Temperaturen un de starken Tiedenkräft ut’neenreten worrn.

Opdecken[ännern | Bornkood ännern]

De Komet is an’n 21. September 2012 vun Witali Newski (Виталий Невский) ut Wittrussland un Artjom Nowitschonok (Артём Новичонок) ut Russland op CCD-Biller opdeckt worrn, de se mit en 40-cm-Teleskop vun’t International Scientific Optical Network (ISON) maakt harrn.

Bahnverloop[ännern | Bornkood ännern]

De Kometenbahn in’t Sünnsystem

C/2012 S1 (ISON) is an’n 1. Oktober 2013 bit op 10,9 Millionen Kilometer an den Mars rankamen un is denn an’n 28. November 2013 dör sien sünnneegsten Punkt lopen. In’t so nöömte Perihel harr de Komet en Bahnsnelligkeit vun ruchweg 360 km/s[1] un weer blots noch 0,012 AE (1,8 Millionen Kilometer) wiet vun de Sünn weg. An de Böverflach harr de Komet dorbi mööglicherwies en Temperatur vun mehr as 2.500°C[2]. De Helligkeit vun C/2012 S1 (ISON) is bannig torüchgahn, so dat de Forschers dorvun utgaht, dat de Komet bi sien Periheldörgang wegen de hogen Temperaturen un de starken Tiedenkräft (Roche-Grenz) tweibroken is[3].

Opnahmen vun de Ruumsond SOHO weern eerst so interpreteert, dat tomindst en Deel vun den Komet dat Perihel överstahn hett[4], man vun’n 2. Dezember 2013 an weer de Övertügen grötter, dat de ehmolige Komet nu tonichten weer un sik blots noch as Stoffwulk dör’t Sünnsystem bewegen deit[5]. De letzten Opnahmen vun’t Hubble-Teleskop an’n 18. Dezember 2013 wiesen keen Överresten mehr an de Steed, woneem sik de Komet na en Bahnbereken ut de letzten bekannten Öörd ophollen müss. De Opnahmen harrn Objekten bit to de 25. Magnitude dorstellen künnt, wat en Dörmeter vun ruchweg 160 m entspreken deit.

Den lüttsten Afstand to de Eer harr C/2012 S1 (ISON) in de Nacht vun’n 26. op den 27. Dezember 2013 hatt, in de he (oder sien Överresten) bit op 60 Millionen Kilometers rankamen weer.

Utforschen[ännern | Bornkood ännern]

De Komet weer vun Februar 2013 an in’n Rahmen vun de Nafolgmisschoon EPOXI vun de Ruumsond Deep Impact beobacht. Dat lööp över ruchweg een Maand, wobi de Forschers veel Bildmaterial tosamenkregen hebbt. Insett weern ok de Sonden Mars Reconnaissance Orbiter un Lunar Reconnaissance Orbiter[6].

Borns[ännern | Bornkood ännern]

  1. marspages.eu Off Topic: Neues von Komet ISON
  2. spaceweather.com vun’n 23. Nov. 2013
  3. wetteronline: Komet ISON weitgehend zerbrochen. Nur ein paar Reste weiter intakt
  4. Comet ISON May Have Survived nasa.gov (englisch) online im Internet: 29. November 2013
  5. Florian Freistetter: Nach dem Perihel: Kollidiert ISON nun mit der Erde?, Science Blogs, 2. Dezember 2013.
  6. Deep Impact Images Spectacular incoming Comet ISON – Curiosity & NASA Armada Will Try by Ken Kremer on February 6, 2013

Weblenken[ännern | Bornkood ännern]